Filmfjes

Alexander Payne er kjend for sjarmerande små filmar som Sideways og Nebraska. Han har vunne to Oscar for manus og blitt reginominert for dei tre siste filmane sine. Denne veka har han norsk premiere på storfilmen Downsizing med Matt Damon. Under innspelinga var fjeset til Payne å sjå i Lofoten. Dag og Tid løyser billett på kino i staden for å melde filmen. Kanskje denne ordninga gjev Payne insentiv for å filme meir i norske fjordar.

H.T.

Sjå på nett no

(NRK) Med Rett vest har den mest produktive filmskaparen i landet, Henrik Martin Dahlsbakken, spelefilm nummer fire på kino. Etter den lovande debuten Å vende tilbake i 2015 laga han kortfilmen Takk for turen i 2016. Kortfilmen vann prisar i Aspen og San José i USA og ligg på nettsidene til NRK. Den varme historia handlar om den gamle langrennsløparen Roland som blir pensjonist medan kjærast og tidlegare trenar Bertil er sjuk. Stein Winge og Jan Malmsjö spelar begge stort.

H.T.

Tre på topp

Filmar av bosniarar i tida mellom krigen og Menn skal ikke gråte:

1) Grbavica av Jasmila Žbani 2006. Gullbjørnen i Berlin var fortent for ein så sterk debut. Unge Žbani løfta fram historiene til kvinnene i konflikten på subtilt og sterkt vis.

2) Ingenmannsland av Danis Tanovi 2001. Denne krigsfilmen bognar over av absurd, svart humor. Han vann med rette eit lass med prisar, mellom anna Oscar for beste framandspråklege film.

3) Death in Sarajevo av Danis Tanovi 2016. Tanovi fekk Sølvbjørnen og ein kritikarpris i Berlin for denne smarte satiren om samtida, basert på Hôtel Europe av Bernard-Henri Lévy.

H.T.