Filmfjes

Iranske Mani Haghihi er ein av hovudgjestane under Film fra Sør i Oslo. Han er aktuell med den satiriske komedien The Pig. Festivalen viser også andre filmar av Haghighi. Han føyer seg inn i rekka av kontroversielle filmskaparar frå Iran med internasjonal medvind. I fjor blei landsmannen Mohammed Rasoulof nekta innreise til Oslo av iranske styresmakter. Legg vi til regissørar som Oscar-vinnande Asghar Faradi, Mohsem Makhmalbaf og Jafar Panahi (aktuell med 3 kvinner under Film fra Sør), ser vi konturane av ein gullalder i iransk film.

S.Å.

Sjå på nett no

Film fra Sør viser Burning, den nyaste filmen frå sørkoreanske Lee Chang-dong (Peppermint Candy, Oasis, Secret Sunshine, Poetry). Burning blandar saman relevant samfunnskritikk med sprø rollefigurar, by og bygd-forskjellar og eit ulmande psykologisk driv. Hovudkarakteren Jongsoo, ein enkel gut frå landet, fell for ei kvinne. Ho hevdar dei voks opp saman, men han hugsar henne ikkje. Etter kvart blir han vikla inn i eit plott som graviterer rundt ein sadistisk riking som brenn ned drivhus for moro skuld.

S.Å.

Tre på topp

Burning er basert på ei novelle av den japanske forfattaren Haruki Murakami. Her er tre andre Murakami-adapsjonar for det store lerretet:

Norwegian Wood (2010). Ein mann minnest den romantiske og smertefulle tida som student.

Tony Takitani (2004). Ein mann finn kjærleiken, berre for å sjå han gleppe.

Hear the Wind Sing (1981). Ein mann ser tilbake på ein sommar i heimbyen og det han opplevde.

S.Å.