Filmfjes

Prince blir snart dokumentert på film, men sidan de kjenner godt til fjeset hans, får de heller andletet til regissør Ava DuVernay i staden. Ho vart Oscar-nominert for den kritiske dokumentarfilmen 13th (2016), som tok for seg den rasistiske politikken USA har ført og ifølge henne framleis fører. Noko lettare tema blir det når ho går gjennom livet til den legendariske artisten kjend som Prince. Så står det att å sjå kor lang tid det går før spelefilmen kjem.

B.A.

Sjå på nett no

(NRK) Nett no ligg ein særs lovande serie på nett-TV, nemleg advokatdramaet The Split. Det er omtrent som yndlingssjangeren min, britisk krim, berre utan lik. Serieskaparen Abi Morgan har skrive sterke drama som Steve McQueen-filmen Shame (2011) og Maggie Thatcher biodramaet The Iron Lady (2011). At ho også har den heller flate Suffragette (2015) på CV-en, gjer ikkje noko – det viser berre at ho har sansen for sterke kvinneroller, som ein ser godt i The Split.

B.A.

Tre på topp

Belgia likar europeisk samarbeid. Her er tre supre belgiske samproduksjonar frå dei siste åra:

1) Raw, Julia Ducournau (2016). Belgia hjelpte med italiensk stønad den franske regissøren Ducournau til å debutere med ein skrekkeleg god film om kjøtetande veterinærstudentar.

2) Det helt nye testamentet, Jaco Van Dormael (2015). Nabolanda Frankrike og Luxembourg var med på denne makelause bibelske satiren om Gud, som sjølvsagt bur i Belgia.

3) Elle, Paul Verhoeven (2016). Nederlands store son fekk med den franske superstjerna Isabelle Huppert, tyske naboar og Belgia på å lage ein fantastisk mørk og morosam thriller.

H.T.