Koritzinsky og Tiller nominertE

Dei no norske forfattarane som er nominerte til Nordisk råds litteraturpris 2018, er Roskva Koritzinsky med novellesamlinga Jeg har ennå ikkje sett verden og Carl Frode Tiller med romanen Begynnelser.

Namnet på vinnaren, som får 350.000 kroner, vert offentleggjort 30. oktober.

Ellingsen har tonesett Hagerup

I dag, fredag 23. februar, slepper musikar og komponist Haakon Ellingsen den digitale singelen «Kjærligheten skal også dø». Han har tonesett diktet, som er henta frå Inger Hagerups diktsamling Den syvende natt frå1947.

– Inger kunne vere mørk, svært mørk, og heldigvis lite sentimental, seier Haakon Ellingsen. i ei pressemelding

Singelen vert òg med på albumet Blåbær, som kjem ut i august. Der er til saman fem dikt av Inger Hagerup tonesette i tillegg til andre låtar av Haakon Ellingsen.

nominASJONAR til Ibsenprisen

Juryen for den nasjonale Ibsenprisen har nominert tre dramatiske tekstar til Ibsenprisen 2018. Dei tre er Å telle til null av Kristofer Blindheim Grønskag, Solveigs 2. sang av M.H. Hallum og Korps av Knut Nærum.

Juryen som har lese 50 manuskript i ulike sjangrar, er samansett av representantar frå Norsk kritikerlag, Norsk dramaturgforum, Norsk Sceneinstruktørforening, Norsk teaterlederforum, KHIO og Teater Ibsen. Den nasjonale Ibsenprisen vart oppretta av Skien kommune og delt ut første gongen i 1986. Namnet på vinnaren vert offentleggjort under ein festkveld på Ibsenhuset onsdag 21. mars. Prisen er på 150.000 kroner og ein statuett laga av Nina Sundbye.

tiril@dagogtid.no