Spørsmålet gjekk til Tom Skjeklesæther, som skulle intervjue punkpioneren med det norske namnet David Johansen. Han og Syl Sylvain var dei einaste som var i live av originalbesetninga då gjenforeinte New York Dolls kom eins ærend til Europa i 2005 for å spele på Notodden Bluesfestival. Johansen visste at faren var frå Arendal.

Den sjangerhoppande Johansen opptredde også med den mytiske bluesgitaristen Hubert Sumlin på Notodden. Kanskje stilskifta mellom glam, punk, salongløva Buster Poindexter og deltabluesartisten med The Harry Smiths var inspirert av farens tid som operasongar?

Om Johansen kom til Arendal, veit kanskje festivalen, som blir kalla den største bluesopplevinga i Europa og denne helga feirar 35-årsjubileum. I år får dei internasjonale stjernene selskap av mange store norske bluesutøvarar.

David Johansen-dokumentarfilmen Personality Crisis: One Night Only, regissert av Martin Scorsese, er no tilgjengeleg på DVD og som strøyming. Han er bygd opp rundt ein konsert på Café Carlyle i New York City i januar 2020, der Johansen i Doug Poindexter-persona framfører songar frå heile karrieren. Konsertopptaket vekslar med årgangsopptak frå karrieren og intervju laga for filmen. Kanskje får vi vite om Johansen kom til Arendal i 2005?

Øyvind Pharo