Arkivet: Ho song «Mr. Big Stuff»
Jean Knight (1943–2023) på det ikoniske Mr. Big Stuff-omslaget.
Den 22. november i fjor døydde ho i Tampa i Florida. Ho blei 80 år. Namnet hennar var Jean Caliste, men alle kjende henne som soulsongarinna Jean Knight, fødd og oppvaksen i New Orleans. Etter fleire år utan kommersiell suksess tok ho i 1969 kontakt med produsenten og låtskrivaren Wardell Quezergue. Tekstane hans kledde Jean Knights ramsalte stil som hand i hanske.
«Mr. Big Stuff», utgjeven på Stax, blei gjennombrotet. Jean Knight hjelpte til med melodien som fekk ein reggaerytme, nyskapande i amerikansk soul og truleg grunnen til at plateselskapet nølte eit heilt år før dei gav ut plata i 1971.
Med teksten sette ho alle innbilske mannfolk på plass og råka tidsånd og kvinneopprør: «Mr. Big Stuff/ who do you think you are/ Mr. Big Stuff/ You’re never gonna get my love». Det blei fem veker på toppen av Billboard R&B og andreplassen på Billboard pop.
Ho fekk ein ny rett-frå-levra-hit med «You’ve Got the Papers (I’ve Got the Man)» på 80-talet, og då Beastie Boys, John Legend og heile hurven tok til å sample «Mr. Big Stuff», tente ho mykje meir på royalties frå dei enn på salet av singelen og det suverene albumet det var tittelspor på.
Øyvind Pharo
Øyvind Pharo er litteraturvitar, musikkskribent og DJ.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Den 22. november i fjor døydde ho i Tampa i Florida. Ho blei 80 år. Namnet hennar var Jean Caliste, men alle kjende henne som soulsongarinna Jean Knight, fødd og oppvaksen i New Orleans. Etter fleire år utan kommersiell suksess tok ho i 1969 kontakt med produsenten og låtskrivaren Wardell Quezergue. Tekstane hans kledde Jean Knights ramsalte stil som hand i hanske.
«Mr. Big Stuff», utgjeven på Stax, blei gjennombrotet. Jean Knight hjelpte til med melodien som fekk ein reggaerytme, nyskapande i amerikansk soul og truleg grunnen til at plateselskapet nølte eit heilt år før dei gav ut plata i 1971.
Med teksten sette ho alle innbilske mannfolk på plass og råka tidsånd og kvinneopprør: «Mr. Big Stuff/ who do you think you are/ Mr. Big Stuff/ You’re never gonna get my love». Det blei fem veker på toppen av Billboard R&B og andreplassen på Billboard pop.
Ho fekk ein ny rett-frå-levra-hit med «You’ve Got the Papers (I’ve Got the Man)» på 80-talet, og då Beastie Boys, John Legend og heile hurven tok til å sample «Mr. Big Stuff», tente ho mykje meir på royalties frå dei enn på salet av singelen og det suverene albumet det var tittelspor på.
Øyvind Pharo
Øyvind Pharo er litteraturvitar, musikkskribent og DJ.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa