Arkivet: Slitesterk girl power-pop
«Arkivet har merka seg at då Taylor Swift spelte i Stockholm, opna ho showet med feministsongen 'You Don’t Own Me'.»
Songar og låtskrivar Lesley Gore øver ved pianoet i New York.
Foto: Dan Grossi / AP / NTB
Arkivet har merka seg at då Taylor Swift spelte i Stockholm, opna ho showet med feministsongen «You Don’t Own Me» i originalversjonen til Lesley Gore over anlegget. Gore var berre sytten år då ho song han i studio i 1963 med Quincy Jones som produsent. Plata nådde andreplassen på Hot 100 i USA i 1964, berre slått av The Beatles, og fekk enorm innverknad i ettertid.
Teksta hadde Gore fått frå låtskrivarteamet Johnny Madora og David White. I programserien American Anthems på National Public Radio i 2019 fortel Madora om korleis han og makkaren White fekk ein støkk av alle tekstene for kvinnelege songarar som handla om å vente på kjærasten. Dei skreiv ein song om ei jente som kravde respekt, eit frampeik om det Aretha Franklin skulle utløyse ved å kople kvinnefrigjering og borgarrettar.
Madora og White stod bak den sorglause «At the Hop», men hadde sett nok urett i sitt multietniske nabolag i Philadelphia til å skrive «You Don’t Own Me». Gore som gjorde songen udøyeleg, døydde sjølv i 2015. Året etter blei songen innlemma i Grammy Hall of Fame, samstundes med at tenåringen SayGrace song han til topps i Australia med ei nyinnspeling saman med rapparen G-Eazy, produsert av same Quincy Jones som over femti år tidlegare.
Øyvind Pharo
Øyvind Pharo er litteraturvitar, musikkskribent og DJ.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Arkivet har merka seg at då Taylor Swift spelte i Stockholm, opna ho showet med feministsongen «You Don’t Own Me» i originalversjonen til Lesley Gore over anlegget. Gore var berre sytten år då ho song han i studio i 1963 med Quincy Jones som produsent. Plata nådde andreplassen på Hot 100 i USA i 1964, berre slått av The Beatles, og fekk enorm innverknad i ettertid.
Teksta hadde Gore fått frå låtskrivarteamet Johnny Madora og David White. I programserien American Anthems på National Public Radio i 2019 fortel Madora om korleis han og makkaren White fekk ein støkk av alle tekstene for kvinnelege songarar som handla om å vente på kjærasten. Dei skreiv ein song om ei jente som kravde respekt, eit frampeik om det Aretha Franklin skulle utløyse ved å kople kvinnefrigjering og borgarrettar.
Madora og White stod bak den sorglause «At the Hop», men hadde sett nok urett i sitt multietniske nabolag i Philadelphia til å skrive «You Don’t Own Me». Gore som gjorde songen udøyeleg, døydde sjølv i 2015. Året etter blei songen innlemma i Grammy Hall of Fame, samstundes med at tenåringen SayGrace song han til topps i Australia med ei nyinnspeling saman med rapparen G-Eazy, produsert av same Quincy Jones som over femti år tidlegare.
Øyvind Pharo
Øyvind Pharo er litteraturvitar, musikkskribent og DJ.
Fleire artiklar
Endre Ruset er poet og tidlegare kunstnarisk leiar ved Norsk litteraturfestival.
Foto: Heidi Furre
«Dikta til Endre Ruset er ridde av tap og sorg, og med hesten som sentralt motiv.»
Dette er ein bar, men er det ein sjokoladebar til laurdagskvelden eller ein proteinbar til treningsøkta?
Foto via Wikimedia Commons
«Det er høgt trykk på proteinbarfronten for tida.»
Teikning: May Linn Clement
«Det er ikkje for inkje me seier at noko 'dampar av erotikk' eller er 'dampande heitt'.»
Nye rekruttar til 24. mekaniserte brigade i dei ukrainske styrkane driv taktisk øving i Donetsk 14. oktober.
Foto: Ukrainsk forsvar
Ein ukrainsk-nordkoreansk krig på russisk territorium. Ingen forfattar av dystopisk fiksjon kunne ha klekt ut eit slikt scenario, skriv Andrej Kurkov.
Reinsdyr kan fint serverast utan purear, men med reine smakar. Her med brekkbønner, eg brukte grøne erter.
Foto via Wikimedia Commons
Papiravisa