Arkivet: Tøffaste jenta i bransjen
Barbara Lynn Ozen blei fødd i Beaumont i Texas i 1942, rett ved gata som no er oppkalla etter henne. Ho blei flaska opp med bluesen som faren leita opp på radiostasjonane. Barbara song med og bestemte seg tidleg for å bli artist. Ho blei sjølvlærd gitarist ved å spele på ukulele til Jimmy Reed og Guitar Slim på radio. Ho skreiv songar frå ho var tolv.
Ljoset såg ho då Elvis kom på TV. Det der kunne ho også gjere! Og så starta ho jentegruppa Bobbie Lynn and Her Idols. Med «Don’t Be Cruel» og «Jailhouse Rock» på repertoaret vann dei talentkonkurransar i fleng.
«Eg trur vi var gode, og det var uvanleg å sjå ei ung svart jente spele venstrehendt gitar. Eg spelte med mange andre lokale band som ville hyre meg, jentegitaristar var mangelvare. Eg skjønte at dette var vegen opp», sa ho til Jessica Hundley i 2014.
Det året såg eg Barbara Lynn i full utfalding på Antone’s i Austin, på Fender Stratocaster med klassikarane «You’ll Lose A Good Thing» og «Oh Baby (We Got a Good Thing Goin’)» og mykje anna frå det praktfulle soulalbumet Here Is Barbara Lynn, spelt inn i 1968. Særs ufortent hamna det i skuggen av Aretha Franklin, som også var artist på Atlantic.
Aretha er diverre borte, men Barbara Lynn er her framleis og i full sving.
Øyvind Pharo
Øyvind Pharo er litteraturvitar, musikkskribent og DJ.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Barbara Lynn Ozen blei fødd i Beaumont i Texas i 1942, rett ved gata som no er oppkalla etter henne. Ho blei flaska opp med bluesen som faren leita opp på radiostasjonane. Barbara song med og bestemte seg tidleg for å bli artist. Ho blei sjølvlærd gitarist ved å spele på ukulele til Jimmy Reed og Guitar Slim på radio. Ho skreiv songar frå ho var tolv.
Ljoset såg ho då Elvis kom på TV. Det der kunne ho også gjere! Og så starta ho jentegruppa Bobbie Lynn and Her Idols. Med «Don’t Be Cruel» og «Jailhouse Rock» på repertoaret vann dei talentkonkurransar i fleng.
«Eg trur vi var gode, og det var uvanleg å sjå ei ung svart jente spele venstrehendt gitar. Eg spelte med mange andre lokale band som ville hyre meg, jentegitaristar var mangelvare. Eg skjønte at dette var vegen opp», sa ho til Jessica Hundley i 2014.
Det året såg eg Barbara Lynn i full utfalding på Antone’s i Austin, på Fender Stratocaster med klassikarane «You’ll Lose A Good Thing» og «Oh Baby (We Got a Good Thing Goin’)» og mykje anna frå det praktfulle soulalbumet Here Is Barbara Lynn, spelt inn i 1968. Særs ufortent hamna det i skuggen av Aretha Franklin, som også var artist på Atlantic.
Aretha er diverre borte, men Barbara Lynn er her framleis og i full sving.
Øyvind Pharo
Øyvind Pharo er litteraturvitar, musikkskribent og DJ.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa