Arkivet: Unike Laura Nyro
På debut-LP-en i 1967 blei Laura Nyro nekta å bruke arrangementet sitt til «Wedding Bells». Ho gjekk til Columbia Records, der eventyret starta.
I den bekjennande singer-songwriter-sjangeren i overgangen mellom 1960- og 70-talet var Laura Nyro (1947–1997) ei stund den fremste. På fire banebrytande album flytta ho seg mellom jazz, gospel, folk, soul, opera og pop med katarsisliknande tekstar.
Til liks med Nina Simone, ein hovudinspirasjon, akkompagnerte ho seg sjølv på piano og song over tre oktavar som det stod om livet.
Ho påverka artistar i pop og rock både i samtid og ettertid. Todd Rundgren som produserte 80-talsalbumet Mother’s Spiritual, var ein av dei.
The Fifth Dimension, Barbra Streisand, Three Dog Night, Peter, Paul & Mary med fleire fekk hittar med songane hennar, men originalframføringane til Nyro blei for intense for amerikansk Top 40 radio.
Den einaste singelen ho fekk på Hot 100, var coverversjonen av The Drifters’ «Up On the Roof» i 1970, ein klassisk uptown rhythm & blues-hit som ho heilt sikkert hadde på repertoaret då ho i tenåra song a cappella med venene sine på undergrunnsstasjonar i New York.
Om det var derfor ho året etter gav ut fullkomne coverversjonar av girl group-pop, doowop og 60-talssoul saman med trioen LaBelle, veit eg ikkje, men på It’s Gonna Take A Miracle er ho totalt i sitt element.
Øyvind Pharo
Øyvind Pharo er litteraturvitar, musikkskribent og DJ.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I den bekjennande singer-songwriter-sjangeren i overgangen mellom 1960- og 70-talet var Laura Nyro (1947–1997) ei stund den fremste. På fire banebrytande album flytta ho seg mellom jazz, gospel, folk, soul, opera og pop med katarsisliknande tekstar.
Til liks med Nina Simone, ein hovudinspirasjon, akkompagnerte ho seg sjølv på piano og song over tre oktavar som det stod om livet.
Ho påverka artistar i pop og rock både i samtid og ettertid. Todd Rundgren som produserte 80-talsalbumet Mother’s Spiritual, var ein av dei.
The Fifth Dimension, Barbra Streisand, Three Dog Night, Peter, Paul & Mary med fleire fekk hittar med songane hennar, men originalframføringane til Nyro blei for intense for amerikansk Top 40 radio.
Den einaste singelen ho fekk på Hot 100, var coverversjonen av The Drifters’ «Up On the Roof» i 1970, ein klassisk uptown rhythm & blues-hit som ho heilt sikkert hadde på repertoaret då ho i tenåra song a cappella med venene sine på undergrunnsstasjonar i New York.
Om det var derfor ho året etter gav ut fullkomne coverversjonar av girl group-pop, doowop og 60-talssoul saman med trioen LaBelle, veit eg ikkje, men på It’s Gonna Take A Miracle er ho totalt i sitt element.
Øyvind Pharo
Øyvind Pharo er litteraturvitar, musikkskribent og DJ.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa