Bratwurst med ketsjup og sennep
Charli XCXs Brat-remixalbum er annleis, stadig brat, men ikkje like bra som Brat.
Pop
Charli XCX:
Brat and it’s completely different but also still brat
Atlantic
Kamala Harris-kampanjen tok i bruk brat-memet etter at den britiske hyperpopartisten Charli XCX stadfesta på sosiale medium at «Kamala IS brat», dermed vart denne sommaren ein brat summer, og no er det tydelegvis ein Brat and it’s completely different but also still brat-haust. Forstå det den som kan, men popmusikken har tydelegvis innverknad på den politiske røynda.
Det er tale om eit remiksalbum spekka med kjende gjesteartistar, og gildet startar, til liks med Brat, med ein låt som heiter «360». Her stiller svenske Robyn og rapparen Yung Lean opp på vokal, og det er greitt. «Club classics featuring bb tricks» er omkalfatra med ei repeterande vokalsampling som går på tvers av pulsen i låten, og går etter kvart over til ein pannekakepaddeflat UK Garage-liknande beat medan synthbassen når stadig høgare intensitetsnivå. Det røskar godt i bein og knoklar, dette.
«Sympathy is a knife» er blant favorittlåtane mine frå Brat, og remiksen har like godt Ariana Grande på vokal. Tolkinga av låtmaterialet er knapt til å kjenne att – produksjonen tar nokre underlege vendingar, men er definitivt meir prega av poppunk enn den merksnodige originalen. Fjerdesporet «I might say something stupid (featuring the 1975 and Jon Hopkins)» får underteikna fnatt av, av di herrevokalen er så sår og kjenslevar. Kan hende skal det skjere i hjartet, og det vil eg tydelegvis ikkje ha noko av i dag.
Nokre småsvulstige spor seinare tek stemninga seg opp: «365 featuring shygirl» får hjartet til å pumpe. «Guess featuring Billie Eilish» har òg snert; teksten om undertøy er festleg. Om dette er ei naudsynt remiksplate anar eg ikkje, men Brat and it’s completely different but also still brat er til dels bra, om enn ujamn.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Charli XCX:
Brat and it’s completely different but also still brat
Atlantic
Kamala Harris-kampanjen tok i bruk brat-memet etter at den britiske hyperpopartisten Charli XCX stadfesta på sosiale medium at «Kamala IS brat», dermed vart denne sommaren ein brat summer, og no er det tydelegvis ein Brat and it’s completely different but also still brat-haust. Forstå det den som kan, men popmusikken har tydelegvis innverknad på den politiske røynda.
Det er tale om eit remiksalbum spekka med kjende gjesteartistar, og gildet startar, til liks med Brat, med ein låt som heiter «360». Her stiller svenske Robyn og rapparen Yung Lean opp på vokal, og det er greitt. «Club classics featuring bb tricks» er omkalfatra med ei repeterande vokalsampling som går på tvers av pulsen i låten, og går etter kvart over til ein pannekakepaddeflat UK Garage-liknande beat medan synthbassen når stadig høgare intensitetsnivå. Det røskar godt i bein og knoklar, dette.
«Sympathy is a knife» er blant favorittlåtane mine frå Brat, og remiksen har like godt Ariana Grande på vokal. Tolkinga av låtmaterialet er knapt til å kjenne att – produksjonen tar nokre underlege vendingar, men er definitivt meir prega av poppunk enn den merksnodige originalen. Fjerdesporet «I might say something stupid (featuring the 1975 and Jon Hopkins)» får underteikna fnatt av, av di herrevokalen er så sår og kjenslevar. Kan hende skal det skjere i hjartet, og det vil eg tydelegvis ikkje ha noko av i dag.
Nokre småsvulstige spor seinare tek stemninga seg opp: «365 featuring shygirl» får hjartet til å pumpe. «Guess featuring Billie Eilish» har òg snert; teksten om undertøy er festleg. Om dette er ei naudsynt remiksplate anar eg ikkje, men Brat and it’s completely different but also still brat er til dels bra, om enn ujamn.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa