Fløyel for øyro
Harald Bergersen trakterer barytonsaksen som om han ikkje skulle gjort anna i heile sitt liv.
Harald Bergersen har spelt baritonsaksofon sidan 2013.
Foto: Lars Ferdinand Bergersen
Jazz
Harald Bergersen:
Baritone
Harald Bergersen, barytonsaks; Bård Helgerud, gitar; Fredrik Nilsen, bass; Torstein Ellingsen, trommer. Losen Records
Harald Bergersen har runda 84 år og er klar med ei av svært få plater i eige namn. Om diskografien på Wikipedia stemmer, er Baritone den fjerde i eige namn, men føyer ein til dei Bergersen har medverka på, kan ein plussa på 60 – alt frå Oslo symfoniorkester til Jan Eggum. Han er ein nestor i norsk musikkliv.
Barytonsaksen kjøpte han så seint som i 2013, men det er dette instrumentet han spelar på plata igjennom, akkurat som tittelen indikerer. Dei sju åra har han nytta godt, for han har full kontroll på instrumentet.
Låtutvalet er velkjent og smakfullt. Ti standardlåtar er supplerte med Bergersens eigen «Waltz for You» og Helgeruds gamalmodige svinglåt «Observing». Arrangementa har kvartetten gjort i lag, og dei er av det enkle og effektive slaget, der Bergersen er ein naturleg frontfigur.
Nokre gonger blir temaet presentert unisont av saks og bass, som i Tommy Flanagans «Freight Trane», eller bass, gitar og saks følgjer på kvarandre, som i Oscar Pettifords «Blues in The Closet». Slike og andre arrangementsgrep er med å setja farge på ei rett-på-sak tilnærming til stoffet.
Bergersen spelar stilsikkert med ein melodisk sans som det berande elementet i spelet. Ikkje overraskande er han i absolutt toppform i balladetempo. Kora hans på Lars Gullins «Merlin» og Gerry Mulligans «A ballad» er rett og slett delikate. Helgerud, Nilsen og Ellingsen utgjer eit perfekt lyttande komp.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Harald Bergersen:
Baritone
Harald Bergersen, barytonsaks; Bård Helgerud, gitar; Fredrik Nilsen, bass; Torstein Ellingsen, trommer. Losen Records
Harald Bergersen har runda 84 år og er klar med ei av svært få plater i eige namn. Om diskografien på Wikipedia stemmer, er Baritone den fjerde i eige namn, men føyer ein til dei Bergersen har medverka på, kan ein plussa på 60 – alt frå Oslo symfoniorkester til Jan Eggum. Han er ein nestor i norsk musikkliv.
Barytonsaksen kjøpte han så seint som i 2013, men det er dette instrumentet han spelar på plata igjennom, akkurat som tittelen indikerer. Dei sju åra har han nytta godt, for han har full kontroll på instrumentet.
Låtutvalet er velkjent og smakfullt. Ti standardlåtar er supplerte med Bergersens eigen «Waltz for You» og Helgeruds gamalmodige svinglåt «Observing». Arrangementa har kvartetten gjort i lag, og dei er av det enkle og effektive slaget, der Bergersen er ein naturleg frontfigur.
Nokre gonger blir temaet presentert unisont av saks og bass, som i Tommy Flanagans «Freight Trane», eller bass, gitar og saks følgjer på kvarandre, som i Oscar Pettifords «Blues in The Closet». Slike og andre arrangementsgrep er med å setja farge på ei rett-på-sak tilnærming til stoffet.
Bergersen spelar stilsikkert med ein melodisk sans som det berande elementet i spelet. Ikkje overraskande er han i absolutt toppform i balladetempo. Kora hans på Lars Gullins «Merlin» og Gerry Mulligans «A ballad» er rett og slett delikate. Helgerud, Nilsen og Ellingsen utgjer eit perfekt lyttande komp.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa