Gedigen digital dugnad
Kulturprodusentar på den uavhengige digitale plattforma Itch.io går saman om å støtte offer for invasjonen av Ukraina.
Musikkspel som det norske «Klang 2» og Figment, ein interaktiv musikal, er blant tilboda ein kan kjøpe tilgang til og støtte krigsoffer.
Lydspor, rytmespel og anna
Forskjellige
kunstnarar:
Bundle For Ukraine
Itch.io
Under Black Lives Matter-demonstrasjonane i 2020 gjekk skaparar på Itch.io, ei plattform for indiespel og digitalt innhald, saman om ein innsamlingsaksjon mot rasisme. Året etter blei kreative krefter samla for å støtte Palestina.
Tidlegare denne veka blei Bundle for Ukraine lansert til støtte for International Medical Corps og Voices of Children i Ukraina, og for 10 dollar (eller meir) får ein ein pakke med 991 spel, musikksamlingar, teikneseriar og andre digitale skaparverk frå over 700 kreative sjeler.
Black Lives Matter-kampanjen samla inn over 8 millionar dollar, og nett no, før dag éin er omme, har Ukraina-aksjonen samla inn over 1 million dollar.
Bortimot 40 av dei 700 kreasjonane er musikkorienterte. I tillegg til ymse lydspor og album i forskjellige sjangrar og bakgrunnsmusikkpakker som set den rette fantasy- eller framtidsstemninga under rolle- og brettspeløkter, finn ein rytmespel, som det norske «Klang 2», der ein dirigerer elektronisk musikk med lasersverd, og i «Resynth» blir elektronisk musikk remiksa via puslespelløysing.
I «Wandersong» er du ein skald som reddar verda ved å synge; i instruksjonsheftet «Build A Bard» finst det metodar for å skape ein skaldrollefigur til bruk i rollespel eller forteljingar.
A Light Long Gone er eit interaktivt singer-songwriter-album der ein kan slå av og på dei forskjellige elementa i songane. Penn-og-papir-spelet «Anatomy of a Song» utforskar kva ein song kan gjere og vere. I «Rebop Blasters» blir vill storbandjazz generert i takt med valdshandlingane til små, kjempande figurar. Figment og Yi and the Thousand Moons er interaktive musikalar, og i rytmespelet «Spooky Waltz» dansar ein vals.
Denne forundringspakka har noko for kvar datamaskinbrukar. Kampanjen varer til 18. mars klokka 08.00.
Rasmus Hungnes
Rasmus Hungnes er musikar, kunstnar, DJ og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Lydspor, rytmespel og anna
Forskjellige
kunstnarar:
Bundle For Ukraine
Itch.io
Under Black Lives Matter-demonstrasjonane i 2020 gjekk skaparar på Itch.io, ei plattform for indiespel og digitalt innhald, saman om ein innsamlingsaksjon mot rasisme. Året etter blei kreative krefter samla for å støtte Palestina.
Tidlegare denne veka blei Bundle for Ukraine lansert til støtte for International Medical Corps og Voices of Children i Ukraina, og for 10 dollar (eller meir) får ein ein pakke med 991 spel, musikksamlingar, teikneseriar og andre digitale skaparverk frå over 700 kreative sjeler.
Black Lives Matter-kampanjen samla inn over 8 millionar dollar, og nett no, før dag éin er omme, har Ukraina-aksjonen samla inn over 1 million dollar.
Bortimot 40 av dei 700 kreasjonane er musikkorienterte. I tillegg til ymse lydspor og album i forskjellige sjangrar og bakgrunnsmusikkpakker som set den rette fantasy- eller framtidsstemninga under rolle- og brettspeløkter, finn ein rytmespel, som det norske «Klang 2», der ein dirigerer elektronisk musikk med lasersverd, og i «Resynth» blir elektronisk musikk remiksa via puslespelløysing.
I «Wandersong» er du ein skald som reddar verda ved å synge; i instruksjonsheftet «Build A Bard» finst det metodar for å skape ein skaldrollefigur til bruk i rollespel eller forteljingar.
A Light Long Gone er eit interaktivt singer-songwriter-album der ein kan slå av og på dei forskjellige elementa i songane. Penn-og-papir-spelet «Anatomy of a Song» utforskar kva ein song kan gjere og vere. I «Rebop Blasters» blir vill storbandjazz generert i takt med valdshandlingane til små, kjempande figurar. Figment og Yi and the Thousand Moons er interaktive musikalar, og i rytmespelet «Spooky Waltz» dansar ein vals.
Denne forundringspakka har noko for kvar datamaskinbrukar. Kampanjen varer til 18. mars klokka 08.00.
Rasmus Hungnes
Rasmus Hungnes er musikar, kunstnar, DJ og fast musikkmeldar i Dag og Tid.
Fleire artiklar
Fekk ikkje plass til alt
– Det er ikkje vår oppgåve å drive med polemikk. Vi har levert eit fagleg arbeid, seier kommunikasjonsdirektør Ola Anders Skauby i Sokkeldirekoratet.
Hjortelusflugene er spesialiserte parasittar som føder levande ungar og lever heile det vaksne livet nede i pelsen til elg, hjort og rådyr.
Foto via Wikimedia Commons
Svermingstid for hjortelusfluga
Göran Fristorp døydde 3. september. Han vart 76 år gammal.
Foto: Sara Johannessen Meek / NTB
Göran Fristorp (1948–2024)
Det kjem an på storleiken, men det er ein fordel å sleppe å trene inni bilen.
Bene Riobó / Wikimedia commons
I form med bilen
Michael Keaton er attende i den ikoniske rolla som Beetlejuice.
Foto: Warner Bros. Discovery
Beetlejuice Beetlejuice: Nesten dødsfestleg
Sjølv om det er eit gledeleg gjensyn, saknar eg snerten.