Glade groovar
Fela Kuti er vernehelgen.
Jazz / Afrobeat
Beats
of No Nation:
Fantastic Beats And Where to Find Them
August Kann, vokal og tangentinstrument; Richard Köster, trompet; Magnus Murphy Joelson, trombone; Kristoffer Lippestad Dokka, saksofonar; Arne Martin Nybo, gitar; Håkon Nordby Bjørgo, bass; Lars Takla og Raymond Lavik, trommer og perkusjon.
Smeik
Oktetten Beats of No Nation har vore samla nokre år for å dyrka ei felles interesse for vestafrikansk musikk slik han blei spelt av ein del artistar som hadde si stordomstid på 1970-talet. Spesielt Fela Kuti er ei stor inspirasjonskjelde. Det forstår eg så godt. Nokre av dei beste platene til Fela Kuti spelar eg rett som det er.
Fleire av medlemene kjenner kvarandre frå komponiststorbandet OJKOS. Bjørgo, Nybo, Kann og Köster har komponert dei seks låtane som sjølvsagt har det til felles at dei appellerer til dansefoten, men den snertne «Shall We Begin», ført i pennen av Nybo, og Bjørgos «Arms of Mass Distraction» står fram som dei mest vellukka komposisjonane. Den korte tromme-/gitarsekvensen på førstnemnde luktar det svidd av.
Ein aura av godkjensle pregar musikken frå første til siste takt. Arrangementa er enkle og fungerer strålande til det tilbakelente på-hogget-uttrykket. Denne ambivalensen, mellom det knivskarpe og det avslappa, formidlar bandet på framifrå vis. Det er rikeleg med rom til solistiske ytringar, men ikkje alle bidraga er like minneverdige. Det skulle vore fleire bidrag på same nivå som Kösters trompetkor på «Motorbass» og den kollektive utblåsinga på «Arms of Mass Distraction» – musikk til å bli i godt humør av.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz / Afrobeat
Beats
of No Nation:
Fantastic Beats And Where to Find Them
August Kann, vokal og tangentinstrument; Richard Köster, trompet; Magnus Murphy Joelson, trombone; Kristoffer Lippestad Dokka, saksofonar; Arne Martin Nybo, gitar; Håkon Nordby Bjørgo, bass; Lars Takla og Raymond Lavik, trommer og perkusjon.
Smeik
Oktetten Beats of No Nation har vore samla nokre år for å dyrka ei felles interesse for vestafrikansk musikk slik han blei spelt av ein del artistar som hadde si stordomstid på 1970-talet. Spesielt Fela Kuti er ei stor inspirasjonskjelde. Det forstår eg så godt. Nokre av dei beste platene til Fela Kuti spelar eg rett som det er.
Fleire av medlemene kjenner kvarandre frå komponiststorbandet OJKOS. Bjørgo, Nybo, Kann og Köster har komponert dei seks låtane som sjølvsagt har det til felles at dei appellerer til dansefoten, men den snertne «Shall We Begin», ført i pennen av Nybo, og Bjørgos «Arms of Mass Distraction» står fram som dei mest vellukka komposisjonane. Den korte tromme-/gitarsekvensen på førstnemnde luktar det svidd av.
Ein aura av godkjensle pregar musikken frå første til siste takt. Arrangementa er enkle og fungerer strålande til det tilbakelente på-hogget-uttrykket. Denne ambivalensen, mellom det knivskarpe og det avslappa, formidlar bandet på framifrå vis. Det er rikeleg med rom til solistiske ytringar, men ikkje alle bidraga er like minneverdige. Det skulle vore fleire bidrag på same nivå som Kösters trompetkor på «Motorbass» og den kollektive utblåsinga på «Arms of Mass Distraction» – musikk til å bli i godt humør av.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Gassleidningar i Moldova. Landet risikerer ei energikrise til neste år.
Foto: Aurel Obreja / AP / NTB
Moldova i skvis
Frå 1. januar kjem det ikkje meir gass til Europa gjennom Ukraina. Det kan bli alvorleg for energitryggleiken i Moldova.
Gatekunsten på denne muren i Kyiv er basert på kunsten til Marija Prymatsjenko, som ukrainarane no omfamnar.
Foto via Wikimedia Commons
Naiv kunst og nøktern røyndom
Dei naivistiske dyrefigurane til Marija Prymatsjenko har blitt viktige for gjennomsnittsukrainaren, som kjempar vidare i trua på mirakel.
I november 2017 besøkte president Donald Trump kollegaen Xi Jinping i Beijing. Same året tok handelskrigen mellom USA og Kina til.
Foto: Damir Sagolj / Reuters / NTB
Det som kjem etter globaliseringa
35 år etter at Berlinmuren fall og liberalismen såg ut til å ha vunne, reiser tollmurane seg i verda.
Papiravisa