Heilskapleg og vellukka
Ein samspelt trio skårar på eit sterkt repertoar.
Jazz
Kjetil Mulelid Trio:
Who Do You Love The Most
Kjetil A. Mulelid, piano; Bjørn Marius Hegge, bass; Andreas Winther, trommer.
Rune grammofon
Kjetil Mulelid er ein av dei travlaste jazzmusikarane her på berget, med 13 plater på fem år der han anten er leiar eller har ei sentral rolle. Det er likevel ingenting som tyder på at platene på noko vis er prega av hastverk – ei heller den siste trioplata.
Mulelid står som komponist på åtte av ti spor. «Imagine Your Front Door» er noko trioen har improvisert fram i studio, og så har dei laga ei makelaus tolking av Judee Sills «The Archetypical Man» frå den sjølvtitulerte debutplata hennar som kom i 1971. Diverre gjekk ho bort åtte år seinare i ein alder av 35.
Den største attraksjonen med denne plata er dei flotte låtane. Sills bidrag er alt nemnt, men også Mulelid overgår seg sjølv. Ikkje berre er det store fleirtalet av låtar i seg sjølv verdt å merka seg, men dei skapar ei breidd i uttrykket og står fint til kvarandre. Den harmonisk elegante balladen «Paul» og den påfølgjande balladen «Endless», med særs velforma dramaturgi og eit solistisk strekk av Mulelid som løftar låten ytterlegare, og den slentrande, men oppstemte «The Road» med ein herleg groove og ei country/gospel-kjensle innleier på eksemplarisk vis plata. Spesielt samspelet i trioen gode to minuttar ut i sistnemnde, der det går føre seg i det nedre registeret på flygelet, er musikalsk gjørmebryting av beste merke.
Den melodiøse balladen «Remembering» viser at Mulelid har lært eit og anna triks av Tord Gustavsen. Winther kombinerer på utsøkt vis trommer og perkusjon. «Point of View» er i første rekkje eit fundament for ein lengre solistisk manifestasjon frå Mulelids side. Hegge innleier med ein Haden-inspirert bassolo på den folkemusikkpåverka balladen «For You I’ll Do Anything». Plata vert avslutta med den subbande og inderlege «Gospel», før det heile tonar ut i den idylliske «Morning Song». Heilskapleg og vellukka!
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Kjetil Mulelid Trio:
Who Do You Love The Most
Kjetil A. Mulelid, piano; Bjørn Marius Hegge, bass; Andreas Winther, trommer.
Rune grammofon
Kjetil Mulelid er ein av dei travlaste jazzmusikarane her på berget, med 13 plater på fem år der han anten er leiar eller har ei sentral rolle. Det er likevel ingenting som tyder på at platene på noko vis er prega av hastverk – ei heller den siste trioplata.
Mulelid står som komponist på åtte av ti spor. «Imagine Your Front Door» er noko trioen har improvisert fram i studio, og så har dei laga ei makelaus tolking av Judee Sills «The Archetypical Man» frå den sjølvtitulerte debutplata hennar som kom i 1971. Diverre gjekk ho bort åtte år seinare i ein alder av 35.
Den største attraksjonen med denne plata er dei flotte låtane. Sills bidrag er alt nemnt, men også Mulelid overgår seg sjølv. Ikkje berre er det store fleirtalet av låtar i seg sjølv verdt å merka seg, men dei skapar ei breidd i uttrykket og står fint til kvarandre. Den harmonisk elegante balladen «Paul» og den påfølgjande balladen «Endless», med særs velforma dramaturgi og eit solistisk strekk av Mulelid som løftar låten ytterlegare, og den slentrande, men oppstemte «The Road» med ein herleg groove og ei country/gospel-kjensle innleier på eksemplarisk vis plata. Spesielt samspelet i trioen gode to minuttar ut i sistnemnde, der det går føre seg i det nedre registeret på flygelet, er musikalsk gjørmebryting av beste merke.
Den melodiøse balladen «Remembering» viser at Mulelid har lært eit og anna triks av Tord Gustavsen. Winther kombinerer på utsøkt vis trommer og perkusjon. «Point of View» er i første rekkje eit fundament for ein lengre solistisk manifestasjon frå Mulelids side. Hegge innleier med ein Haden-inspirert bassolo på den folkemusikkpåverka balladen «For You I’ll Do Anything». Plata vert avslutta med den subbande og inderlege «Gospel», før det heile tonar ut i den idylliske «Morning Song». Heilskapleg og vellukka!
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa