Lyrisk og funky
Mollestad og Eberson er musikalske sjelevener.
Jubileumsverket for Parken kulturhus i Ålesund er noko av det meir lyriske og kontemplative Hedvig Mollestad har laga.
Foto: Gitte Johannessen / NTB
Jazz
Hedvig Mollestad:
Tempest Revisited
Martin Myhre Olsen, sopran-, alt- og barytonsaks; Karl Nyberg, altsaks; Peter Erik Vergeni, tenorsaks, fløyte; Hedvig Mollestad, gitar, vokal, klapping og piano; Marte Eberson, tangentinstrument; Trond Frønes, bass; Ivar Loe Bjørnstad, trommer og perkusjon; Per Oddvar Johansen, trommer (1).
Rune Grammofon
I 1998 opna Parken kulturhus i Ålesund. Delar av verket Stormen av Arne Nordheim blei brukt i opningsseremonien. Då huset feira 20-årsjubileum, fekk gitaristen, komponisten og ålesundsjenta Hedvig Mollestad i oppdrag å laga eit verk til markeringa. Tittelen tyder på at Nordheim-verket er ei inspirasjonskjelde, men musikken syner på at inspirasjonen stort sett er på eit overordna plan.
Stor arbeidskapasitet
Innspelinga blei gjord året etter konsertpremieren og berre fire månader etter at ho hadde levert tingingsverket Ekhidna til Vossa Jazz. Ikkje noko å seia på arbeidskapasiteten der i garden.
Tempest Revisited er delt inn fem frittståande delar, og musikken er langt frå så stormfull som tittelen skulle tyda på. Dette er noko av det meir lyriske og kontemplative Mollestad har laga, med godt rom for improvisasjon både på «Winds Approaching» og «Kittiwakes In Gusts». I den sistnemnde får saksofonistane verkeleg utfalda seg. Det er likevel funne plass til nokre sugande gitarriff. Avslutningslåten «High Hair» er musikalsk mest i slekt med repertoaret til trioen hennar, medan «418 (Stairs In Storms)» er verket i verket, og innleiinga syner klarast inspirasjonen frå Nordheim.
Samspel
Musikken er mangfaldig og bandet leverer upåklageleg, men det er samspelet mellom Eberson og Mollestad som gjev denne plata det vesle ekstra. Eberson brukar tangentinstrumentet Vintage Vibe mykje, og koret hennar på «Winds Approaching», med det eksemplariske kompet til Mollestad (og Bjørnstad), er den vidgjetne rosina i pølsa.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Hedvig Mollestad:
Tempest Revisited
Martin Myhre Olsen, sopran-, alt- og barytonsaks; Karl Nyberg, altsaks; Peter Erik Vergeni, tenorsaks, fløyte; Hedvig Mollestad, gitar, vokal, klapping og piano; Marte Eberson, tangentinstrument; Trond Frønes, bass; Ivar Loe Bjørnstad, trommer og perkusjon; Per Oddvar Johansen, trommer (1).
Rune Grammofon
I 1998 opna Parken kulturhus i Ålesund. Delar av verket Stormen av Arne Nordheim blei brukt i opningsseremonien. Då huset feira 20-årsjubileum, fekk gitaristen, komponisten og ålesundsjenta Hedvig Mollestad i oppdrag å laga eit verk til markeringa. Tittelen tyder på at Nordheim-verket er ei inspirasjonskjelde, men musikken syner på at inspirasjonen stort sett er på eit overordna plan.
Stor arbeidskapasitet
Innspelinga blei gjord året etter konsertpremieren og berre fire månader etter at ho hadde levert tingingsverket Ekhidna til Vossa Jazz. Ikkje noko å seia på arbeidskapasiteten der i garden.
Tempest Revisited er delt inn fem frittståande delar, og musikken er langt frå så stormfull som tittelen skulle tyda på. Dette er noko av det meir lyriske og kontemplative Mollestad har laga, med godt rom for improvisasjon både på «Winds Approaching» og «Kittiwakes In Gusts». I den sistnemnde får saksofonistane verkeleg utfalda seg. Det er likevel funne plass til nokre sugande gitarriff. Avslutningslåten «High Hair» er musikalsk mest i slekt med repertoaret til trioen hennar, medan «418 (Stairs In Storms)» er verket i verket, og innleiinga syner klarast inspirasjonen frå Nordheim.
Samspel
Musikken er mangfaldig og bandet leverer upåklageleg, men det er samspelet mellom Eberson og Mollestad som gjev denne plata det vesle ekstra. Eberson brukar tangentinstrumentet Vintage Vibe mykje, og koret hennar på «Winds Approaching», med det eksemplariske kompet til Mollestad (og Bjørnstad), er den vidgjetne rosina i pølsa.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Finaste finnbiffen med grøne erter, potet og tyting.
Foto: Dagfinn Nordbø
Finaste finnbiffen
«Seier eg at eg skal invitere på finnbiff, blir folk berre glade. Dei veit at dei skal få smake noko av det beste landet vårt har å by på av ingrediensar, med reinkjøt som helten.»
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Papiravisa