Magical Mystery Tour 2.0
Stein & Mari + Moskus = sant!
Mari Kvien Brunvoll & Stein Urheim m/ Moskus.
Foto: Grappa musikkforlag
Jazz/samtidsmusikk
Mari Kvien Brunvoll & Stein Urheim m/ Moskus
Barefoot in Bryophyte
Mari Kvien Brunvoll, vokal, elektronikk, perkusjon, siter og klokkespel; Stein Urheim, vokal, gitarar, fløyter og elektronikk; Anja Lauvdal, piano, synth, harmonium, elektronikk og vokal; Fredrik Luhr Dietrichson, bass, cello og vokal; Hans Hulbækmo, trommer, perkusjon, blokkfløyte, munnspel, tablamaskin og vokal
Hubro
Botanikarane får tilgje meg at eg omset den engelske tittelen til «Berrføtt i mosen», men det er ein musikalsk treffande tittel. Det noko beinveges og sorglaust over musikken på denne plata, slik det er på mykje av det Mari Kvien Brunvoll har laga på eiga hand, saman med Stein Urheim og med trioen Building Instrument. Det sorglause blir meir nyansert ved fleire gjennomlyttingar. Her er nok av mørke skyer i horisonten.
Samarbeidet mellom dei to konstellasjonane (Stein & Mari og Moskus) byrja med tingingsverket Branches & Limits på Vossa Jazz i 2023, og musikken og tekstane byggjer vidare på det dei gjorde på festivalen for vel eit år sidan. Det mest overraskande med samarbeidet er at det ikkje har kome i stand tidlegare. Båe einingane har eit spesielt godt auge til leiketøysavdelinga i det store instrumentvarehuset, og båe har ei naivistisk tilnærming til musisering. Improvisasjonselementet står klart sterkare hjå Moskus, men slektskapen elles er sterk.
Brunvoll og Urheim har laga fire låtar kvar. Det er ikkje tvil om kven som har laga kva, med Urheims sterke fascinasjon for den meir eksperimentelle fasen til The Beatles. Men uttrykket har det sams at dei skapar ein slags musikalsk fantasy, noko diffust tilbakeskodande med tekstar som heile vegen har surrealistiske undertonar. Og ingen er vel betre til å skapa denne 2024-psykedelikaen enn desse fem musikantane. Det er Magical Mystery Tour 2.0. Likevel er høgdepunktet på plata tittelkuttet, ein velregissert rytmisk leik med eit studio-jam-utgangspunkt. Meir av dette får me kanskje på oppfølgjaren?
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz/samtidsmusikk
Mari Kvien Brunvoll & Stein Urheim m/ Moskus
Barefoot in Bryophyte
Mari Kvien Brunvoll, vokal, elektronikk, perkusjon, siter og klokkespel; Stein Urheim, vokal, gitarar, fløyter og elektronikk; Anja Lauvdal, piano, synth, harmonium, elektronikk og vokal; Fredrik Luhr Dietrichson, bass, cello og vokal; Hans Hulbækmo, trommer, perkusjon, blokkfløyte, munnspel, tablamaskin og vokal
Hubro
Botanikarane får tilgje meg at eg omset den engelske tittelen til «Berrføtt i mosen», men det er ein musikalsk treffande tittel. Det noko beinveges og sorglaust over musikken på denne plata, slik det er på mykje av det Mari Kvien Brunvoll har laga på eiga hand, saman med Stein Urheim og med trioen Building Instrument. Det sorglause blir meir nyansert ved fleire gjennomlyttingar. Her er nok av mørke skyer i horisonten.
Samarbeidet mellom dei to konstellasjonane (Stein & Mari og Moskus) byrja med tingingsverket Branches & Limits på Vossa Jazz i 2023, og musikken og tekstane byggjer vidare på det dei gjorde på festivalen for vel eit år sidan. Det mest overraskande med samarbeidet er at det ikkje har kome i stand tidlegare. Båe einingane har eit spesielt godt auge til leiketøysavdelinga i det store instrumentvarehuset, og båe har ei naivistisk tilnærming til musisering. Improvisasjonselementet står klart sterkare hjå Moskus, men slektskapen elles er sterk.
Brunvoll og Urheim har laga fire låtar kvar. Det er ikkje tvil om kven som har laga kva, med Urheims sterke fascinasjon for den meir eksperimentelle fasen til The Beatles. Men uttrykket har det sams at dei skapar ein slags musikalsk fantasy, noko diffust tilbakeskodande med tekstar som heile vegen har surrealistiske undertonar. Og ingen er vel betre til å skapa denne 2024-psykedelikaen enn desse fem musikantane. Det er Magical Mystery Tour 2.0. Likevel er høgdepunktet på plata tittelkuttet, ein velregissert rytmisk leik med eit studio-jam-utgangspunkt. Meir av dette får me kanskje på oppfølgjaren?
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Gassleidningar i Moldova. Landet risikerer ei energikrise til neste år.
Foto: Aurel Obreja / AP / NTB
Moldova i skvis
Frå 1. januar kjem det ikkje meir gass til Europa gjennom Ukraina. Det kan bli alvorleg for energitryggleiken i Moldova.
Stoltenberg I-regjeringa på Slottsplassen. Dåverande statsminister Jens Stoltenberg og utanriksminister Thorbjørn Jagland står fremst.
Foto: Jarl Fr. Erichsen / NTB
Venstrepopulisme på norsk – en refleksjon
«Ved markedsrettingen og privatisering ga venstresiden delvis fra seg det som hadde vært dens kjennemerke, nemlig å mobilisere staten til fordel for folk flest.»
I november 2017 besøkte president Donald Trump kollegaen Xi Jinping i Beijing. Same året tok handelskrigen mellom USA og Kina til.
Foto: Damir Sagolj / Reuters / NTB
Det som kjem etter globaliseringa
35 år etter at Berlinmuren fall og liberalismen såg ut til å ha vunne, reiser tollmurane seg i verda.
Gatekunsten på denne muren i Kyiv er basert på kunsten til Marija Prymatsjenko, som ukrainarane no omfamnar.
Foto via Wikimedia Commons
Naiv kunst og nøktern røyndom
Dei naivistiske dyrefigurane til Marija Prymatsjenko har blitt viktige for gjennomsnittsukrainaren, som kjempar vidare i trua på mirakel.
Papiravisa