Metal ved regnbyens ende
Bismarck syng pre-apokalyptisk leirbålsmetal i ein oase truga av flaum- og tørkekatastrofe.
Metal
Bismarck:
Vourukasha
Dark Essence Records
Det bergenske metalbandet Bismarck utforskar doom- og stonerrock-landskapet, stilartar kjenneteikna av buldrande bass- og gitardronar marinerte i ei myr av fredsæl feedback, hypnotiske overtonar og blytunge trommer i seigt tempo. På album nr. 3, Vourukasha – kalla opp etter eit himmelsk hav i den protomonoteistiske zoroastriske mytologien og ein oase av blomar i rollespelet Genshin Impact – syner bandet at det ikkje står tilbake for sjangerpionerar som Sleep og Swans.
Den musikalske ørkenvandringa i retning undergangen legg i veg med dei standhaftige, blytunge spora «Sky Father» og «Echoes». På tredjesporet «Kigal» motiverer lokkande kviskring frå det fjerne til å trasse tørst og solstikk, og klatringa over dynene vert driven av mellomaustleg perkusjon og transeinduserande oudklimpring. «The Tree of All Seeds» startar lik den reinaste rollespel-landsbyutkant-musikk i ein trygg oase, men etter fjøre kjem flod.
Boren av feedback-kuling klaskar tittelsporet rett i fleisen på lyttaren, ei sonisk flodbølgje rullar over lydlandskapet og lullar umedvitet inn i vakne draumar om ei ambivalent, uttørka overfløyming. Gigantiske gitardronar sildrar av garde med- og motstraums medan knusktørre cymbalar plaskar og klaskar i veg, renn opp- og nedstraums lik milliardar av små sandkorn i halvfulle halvtomme timeglas.
På avslutningssporet «Ocean Dweller» er det soniske klimaet ekstremt, overveldande, altomfattande og i konstant endring: Faderleg voggesong blir til presteaktig messing blir til desperate brøl og skrik som preiker profetiske visjonar frå endetida. Når det heile er over, har Bismarcks musikk gjort togna til din ven, og berre eit vagt ekko av desperasjonen heng att i det stille kaoset.
Rasmus Hungnes
er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Metal
Bismarck:
Vourukasha
Dark Essence Records
Det bergenske metalbandet Bismarck utforskar doom- og stonerrock-landskapet, stilartar kjenneteikna av buldrande bass- og gitardronar marinerte i ei myr av fredsæl feedback, hypnotiske overtonar og blytunge trommer i seigt tempo. På album nr. 3, Vourukasha – kalla opp etter eit himmelsk hav i den protomonoteistiske zoroastriske mytologien og ein oase av blomar i rollespelet Genshin Impact – syner bandet at det ikkje står tilbake for sjangerpionerar som Sleep og Swans.
Den musikalske ørkenvandringa i retning undergangen legg i veg med dei standhaftige, blytunge spora «Sky Father» og «Echoes». På tredjesporet «Kigal» motiverer lokkande kviskring frå det fjerne til å trasse tørst og solstikk, og klatringa over dynene vert driven av mellomaustleg perkusjon og transeinduserande oudklimpring. «The Tree of All Seeds» startar lik den reinaste rollespel-landsbyutkant-musikk i ein trygg oase, men etter fjøre kjem flod.
Boren av feedback-kuling klaskar tittelsporet rett i fleisen på lyttaren, ei sonisk flodbølgje rullar over lydlandskapet og lullar umedvitet inn i vakne draumar om ei ambivalent, uttørka overfløyming. Gigantiske gitardronar sildrar av garde med- og motstraums medan knusktørre cymbalar plaskar og klaskar i veg, renn opp- og nedstraums lik milliardar av små sandkorn i halvfulle halvtomme timeglas.
På avslutningssporet «Ocean Dweller» er det soniske klimaet ekstremt, overveldande, altomfattande og i konstant endring: Faderleg voggesong blir til presteaktig messing blir til desperate brøl og skrik som preiker profetiske visjonar frå endetida. Når det heile er over, har Bismarcks musikk gjort togna til din ven, og berre eit vagt ekko av desperasjonen heng att i det stille kaoset.
Rasmus Hungnes
er kunstnar, musikar og fast musikkmeldar i Dag og Tid.
Fleire artiklar
Fekk ikkje plass til alt
– Det er ikkje vår oppgåve å drive med polemikk. Vi har levert eit fagleg arbeid, seier kommunikasjonsdirektør Ola Anders Skauby i Sokkeldirekoratet.
Hjortelusflugene er spesialiserte parasittar som føder levande ungar og lever heile det vaksne livet nede i pelsen til elg, hjort og rådyr.
Foto via Wikimedia Commons
Svermingstid for hjortelusfluga
Göran Fristorp døydde 3. september. Han vart 76 år gammal.
Foto: Sara Johannessen Meek / NTB
Göran Fristorp (1948–2024)
Det kjem an på storleiken, men det er ein fordel å sleppe å trene inni bilen.
Bene Riobó / Wikimedia commons
I form med bilen
Michael Keaton er attende i den ikoniske rolla som Beetlejuice.
Foto: Warner Bros. Discovery
Beetlejuice Beetlejuice: Nesten dødsfestleg
Sjølv om det er eit gledeleg gjensyn, saknar eg snerten.