Multikulturell techno
Acid Arabs tredje album er ein fryd for øyret og dansefoten.
Elektronisk musikk
Acid Arab:
Trois
Crammed Discs
Det fransk-algeriske musikkollektivet Acid Arab blandar austleg musikk med elektroniske dansemusikksjangrar som acid house og techno, og på sitt tredje album (tittelen er det austarabiske teiknet for talet tre, etterfølgt av det franske ordet trois) har dei med seg ei mengd vokalistar frå Nord-Afrika, Syria og Tyrkia.
«Algerian gasba, Anatolian trance, synthetic dabkeh, bionic ral...» Som albumnotata antydar, er Acid Arabs musikk fasettert. På «Habaytak» står ei blanding av transeinduserande elektroniske og akustiske lydar, rungande synthbass og den fransk-marokkanske songaren Ghizlane Melih i høgsetet, medan acid house-inspirasjonen er klar som dagen på «Rashid Trip», ein låt som sanneleg får hjartet til å pumpe. Ein 80-talselektropopliknande synthmelodi vert blanda med stemma til syriske Wael Alkak på tredjesporet «Ya Mahla», medan avslutningssporet «Sayarat 303 Part II» har ein munnharpeliknande synthsjamanistisk naturtoneklang.
«Leila» er ein djup og dundrande dabkhetechnolåt med flytande puls, og musikkvideoen, full av heimebrent og magedans, endar med ein tankevekkjande og augeopnande tvist kring identitet og kulturelle kryssingspunkt.
Eg undra meg over at toppresultatet når eg sette inn det austarabiske teiknet for tre i søkjefeltet, var Britney Spears-songen «3». Kan hende seier det mest om mine søkje- og surfevanar, men før eg visste ordet av det, lærte eg kvifor tala vi bruker her omkring, vert kalla «arabiske tal». Dette var eit lite sidespor, men det er saktens sporbart at teiknet 3 stammar frå teiknet ein kan sjå på omslaget til albumet, som er spekka med særskilde, supre spor.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Acid Arab:
Trois
Crammed Discs
Det fransk-algeriske musikkollektivet Acid Arab blandar austleg musikk med elektroniske dansemusikksjangrar som acid house og techno, og på sitt tredje album (tittelen er det austarabiske teiknet for talet tre, etterfølgt av det franske ordet trois) har dei med seg ei mengd vokalistar frå Nord-Afrika, Syria og Tyrkia.
«Algerian gasba, Anatolian trance, synthetic dabkeh, bionic ral...» Som albumnotata antydar, er Acid Arabs musikk fasettert. På «Habaytak» står ei blanding av transeinduserande elektroniske og akustiske lydar, rungande synthbass og den fransk-marokkanske songaren Ghizlane Melih i høgsetet, medan acid house-inspirasjonen er klar som dagen på «Rashid Trip», ein låt som sanneleg får hjartet til å pumpe. Ein 80-talselektropopliknande synthmelodi vert blanda med stemma til syriske Wael Alkak på tredjesporet «Ya Mahla», medan avslutningssporet «Sayarat 303 Part II» har ein munnharpeliknande synthsjamanistisk naturtoneklang.
«Leila» er ein djup og dundrande dabkhetechnolåt med flytande puls, og musikkvideoen, full av heimebrent og magedans, endar med ein tankevekkjande og augeopnande tvist kring identitet og kulturelle kryssingspunkt.
Eg undra meg over at toppresultatet når eg sette inn det austarabiske teiknet for tre i søkjefeltet, var Britney Spears-songen «3». Kan hende seier det mest om mine søkje- og surfevanar, men før eg visste ordet av det, lærte eg kvifor tala vi bruker her omkring, vert kalla «arabiske tal». Dette var eit lite sidespor, men det er saktens sporbart at teiknet 3 stammar frå teiknet ein kan sjå på omslaget til albumet, som er spekka med særskilde, supre spor.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa