Omikronelectronica
100% Electronicas 360-graders internettkonsertar skapar ei kjensle av inkludering over avstand.
Nettkonsert
Ymse
artistar:
Virtual Utopia 5
100% Electronica
Koronapandemien har gjort oss endå meir vane med maskinelt mediert kultur enn vi alt var. Medan dei store strøymetenestene held fram med å levere passiv underhaldning i TV-tradisjonen, meistrar dei kreative multikunstnarane kring vaporwave-labelen 100% Electronica å bruke teknologi til å mane fram ein frigjerande aura av fellesskap.
Under fana Virtual Utopia har dei servert 360-graders live-hendingar med ein forfriskande gjer-det-sjølv-kvalitet sidan koronapandemiens tidlege dagar. Den femte i rekka blei strøymd på YouTube førre helg, og gildet kan sjåast i reprise kvar og når som helst, med eller utan VR-briller.
Virtual Utopia 5 baud på panoramiske musikkvideoar og live-framføringar med artistane Neggy Gemmy, Adam Kane, Matt Watson og Auragraph. I musikkvideoen til «California» svevde Neggy Gemmy rundt i ein vektlaus tilstand som passa godt til den luftige musikken. Dei hurtige rytmane, den lettbeinte rappen og dei humørfylte popkulturreferansane i Kane og Watsons «I’m Sick» bruste over av eit frimod som det gjorde godt å late seg smitte av i desse elles lite morosame omikronkoronatider.
Innimellom innslaga var det frilynt sofaprat med primus motor for labelen, George Clanton, og til slutt gjorde Auragraph eit energisk live-sett. Til lyden av samplerar, modulærsynthar og tjukke og gode synthbassliner kunne sjåarane fylle det virtuelle dansegolvet med 90- og 00-talsnostalgiske digitale avatarar ved hjelp av kommandoar i live-chatten.
Å sveve kring dei dansande digitale blei ei påminning om at fellesskap er sentralt i den menneskelege opplevinga – og medmenneskelegdom er trass alt den rette juleånda.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Nettkonsert
Ymse
artistar:
Virtual Utopia 5
100% Electronica
Koronapandemien har gjort oss endå meir vane med maskinelt mediert kultur enn vi alt var. Medan dei store strøymetenestene held fram med å levere passiv underhaldning i TV-tradisjonen, meistrar dei kreative multikunstnarane kring vaporwave-labelen 100% Electronica å bruke teknologi til å mane fram ein frigjerande aura av fellesskap.
Under fana Virtual Utopia har dei servert 360-graders live-hendingar med ein forfriskande gjer-det-sjølv-kvalitet sidan koronapandemiens tidlege dagar. Den femte i rekka blei strøymd på YouTube førre helg, og gildet kan sjåast i reprise kvar og når som helst, med eller utan VR-briller.
Virtual Utopia 5 baud på panoramiske musikkvideoar og live-framføringar med artistane Neggy Gemmy, Adam Kane, Matt Watson og Auragraph. I musikkvideoen til «California» svevde Neggy Gemmy rundt i ein vektlaus tilstand som passa godt til den luftige musikken. Dei hurtige rytmane, den lettbeinte rappen og dei humørfylte popkulturreferansane i Kane og Watsons «I’m Sick» bruste over av eit frimod som det gjorde godt å late seg smitte av i desse elles lite morosame omikronkoronatider.
Innimellom innslaga var det frilynt sofaprat med primus motor for labelen, George Clanton, og til slutt gjorde Auragraph eit energisk live-sett. Til lyden av samplerar, modulærsynthar og tjukke og gode synthbassliner kunne sjåarane fylle det virtuelle dansegolvet med 90- og 00-talsnostalgiske digitale avatarar ved hjelp av kommandoar i live-chatten.
Å sveve kring dei dansande digitale blei ei påminning om at fellesskap er sentralt i den menneskelege opplevinga – og medmenneskelegdom er trass alt den rette juleånda.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa