Orkesteret Ava Mendoza
Gitaristen er på heimebane i soloformatet.
Ava Mendoza då ho spelte på Bergamo jazzfestival 19. mars i år. Giuseppe Diotti er kunstnaren bak biletet som har tittelen «La Morte di Antigone».
Foto: Lars Mossefinn
Jazz / Rock / Impro
Ava Mendoza:
New Spells
Ava Mendoza, gitarar og elektronikk.
Relative Pitch Records
Den amerikanske gitaristen, vokalisten og komponisten Ava Mendoza er eit av dei heitaste namna på jazz-/improscenen i dag. Spesielt etter at ho i 2013 flytta til Brooklyn, har namnet hennar dukka opp i ei mengd prosjekt. Med bandet Unnatural Ways har ho gjeve ut tre plater. Ho gjorde ein solid figur på William Parkers Mayan Space Station (2021), og i dag står ho på scenen på Nattjazz som medlem av Nate Wooleys Columbia Icefield.
Den første soloplata hennar, Shadow Stories, kom allereie i 2010. Her serverer ho ein miks av tradisjonsstoff tolka på sitt spesielle vis. Med New Spells er country- og bluesrøtene langt frå så tydeleg til stades. To av dei fem låtane har ho skrive sjølv. I tillegg tolkar ho låtar av bassistane Devin Hoff og Trevor Dunn og saksofonisten John Dikeman.
Mendoza er ikkje berre ein virtuos gitarist – ho har fullstendig kontroll på effektboksar og pedalar og brukar dei på utsøkt vis til å skapa eit orkestralt univers. Høgdepunktet er hennar eigen komposisjon «New Ghosts». Her nyttar ho heile paletten og syner seg som ein framifrå historieforteljar. Også Hoffs «Ampulex Compressa» vert driven fram i eit slags spørsmål–svar-formular i ein kaskade av klang, vrenging og overtonar. Dunns «Apart From» er vel den låten som minner sterkast om tradisjonssida til Mendoza. Her formidlar ho ein sår lengt som går over i fortviling og frustrasjon. New Spells triggar eit mangfald av emosjonar. Om du ikkje allereie har gjort det, merk deg namnet Ava Mendoza.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz / Rock / Impro
Ava Mendoza:
New Spells
Ava Mendoza, gitarar og elektronikk.
Relative Pitch Records
Den amerikanske gitaristen, vokalisten og komponisten Ava Mendoza er eit av dei heitaste namna på jazz-/improscenen i dag. Spesielt etter at ho i 2013 flytta til Brooklyn, har namnet hennar dukka opp i ei mengd prosjekt. Med bandet Unnatural Ways har ho gjeve ut tre plater. Ho gjorde ein solid figur på William Parkers Mayan Space Station (2021), og i dag står ho på scenen på Nattjazz som medlem av Nate Wooleys Columbia Icefield.
Den første soloplata hennar, Shadow Stories, kom allereie i 2010. Her serverer ho ein miks av tradisjonsstoff tolka på sitt spesielle vis. Med New Spells er country- og bluesrøtene langt frå så tydeleg til stades. To av dei fem låtane har ho skrive sjølv. I tillegg tolkar ho låtar av bassistane Devin Hoff og Trevor Dunn og saksofonisten John Dikeman.
Mendoza er ikkje berre ein virtuos gitarist – ho har fullstendig kontroll på effektboksar og pedalar og brukar dei på utsøkt vis til å skapa eit orkestralt univers. Høgdepunktet er hennar eigen komposisjon «New Ghosts». Her nyttar ho heile paletten og syner seg som ein framifrå historieforteljar. Også Hoffs «Ampulex Compressa» vert driven fram i eit slags spørsmål–svar-formular i ein kaskade av klang, vrenging og overtonar. Dunns «Apart From» er vel den låten som minner sterkast om tradisjonssida til Mendoza. Her formidlar ho ein sår lengt som går over i fortviling og frustrasjon. New Spells triggar eit mangfald av emosjonar. Om du ikkje allereie har gjort det, merk deg namnet Ava Mendoza.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa