Rap, techno og fredsæle tonar
Musikken i No More Heroes 3 er vel verd ei eiga utgjeving.
Filmmusikk
Ymse artistar:
No More Heroes 3 Original Soundtrack
Grasshopper Manufacture Inc.
Den satiriske spelserien No More Heroes (NMH), signert japanske Suda51, ein auteur innan spel, er inspirert av Jodorowskys film El Topo og kalla opp etter ein song av The Stranglers. Nyleg blei trearen sleppt, og det er eit usedvanleg surrealistisk og punkete verk. Musikk- og lyddesign er svært viktig i filmatiske medium, og musikken i spelet eignar seg òg til pur lytting.
Hovudansvarleg for musikken er Nobuaki Kaneko, som elles er skodespelar (til dømes i Netflix-serien Alice in Borderland) og metaltrommis. Mange av komposisjonane hans er intense utforskingar av grensene mellom rock, metal og elektronisk dansemusikk, men han rammar òg inn lydsporet med den fredsæle ambientlåten «ILY» og «Night In Prague», ein sår indierockballade.
Jun Fukudas leik med ublyge klisjear kan minne om Yellow Magic Orchestras tidlege elektroniske musikk, medan Sekitova leverer kvalitetstechno med samplingar av store kattedyr. Vi møter japanske hiphopartistar som Whale Talx og annie the clumsy, og ein av mine favorittar er Meebee og Okumuras spretne, basstunge raphyllest til sushi, «Itadakimasu».
Marknadsføring blir stadig meir utflytande. Kanye Wests musikk druknar i omfattande marknadsførings- og myteskapingssirkus; kjendisar og romfarande milliardærar blir hylla som heltar; tilpassa reklame er daglegdags; Lil Nas X spelar «konsertar» i Roblox, eit spel laga for å mjølke barn for småpengar.
Marknadsføringa av NMH 3-lydsporet er mindre luguber, men likevel underleg: 20 utvalde låtar er tilgjengelege på YouTube til og med torsdag japansk tid. Eg tilrår å høyre lydsporet medan ein kan, og sannsynlegvis kjem det i eit meir permanent format snart – fristen har alt blitt utvida éin gong.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Filmmusikk
Ymse artistar:
No More Heroes 3 Original Soundtrack
Grasshopper Manufacture Inc.
Den satiriske spelserien No More Heroes (NMH), signert japanske Suda51, ein auteur innan spel, er inspirert av Jodorowskys film El Topo og kalla opp etter ein song av The Stranglers. Nyleg blei trearen sleppt, og det er eit usedvanleg surrealistisk og punkete verk. Musikk- og lyddesign er svært viktig i filmatiske medium, og musikken i spelet eignar seg òg til pur lytting.
Hovudansvarleg for musikken er Nobuaki Kaneko, som elles er skodespelar (til dømes i Netflix-serien Alice in Borderland) og metaltrommis. Mange av komposisjonane hans er intense utforskingar av grensene mellom rock, metal og elektronisk dansemusikk, men han rammar òg inn lydsporet med den fredsæle ambientlåten «ILY» og «Night In Prague», ein sår indierockballade.
Jun Fukudas leik med ublyge klisjear kan minne om Yellow Magic Orchestras tidlege elektroniske musikk, medan Sekitova leverer kvalitetstechno med samplingar av store kattedyr. Vi møter japanske hiphopartistar som Whale Talx og annie the clumsy, og ein av mine favorittar er Meebee og Okumuras spretne, basstunge raphyllest til sushi, «Itadakimasu».
Marknadsføring blir stadig meir utflytande. Kanye Wests musikk druknar i omfattande marknadsførings- og myteskapingssirkus; kjendisar og romfarande milliardærar blir hylla som heltar; tilpassa reklame er daglegdags; Lil Nas X spelar «konsertar» i Roblox, eit spel laga for å mjølke barn for småpengar.
Marknadsføringa av NMH 3-lydsporet er mindre luguber, men likevel underleg: 20 utvalde låtar er tilgjengelege på YouTube til og med torsdag japansk tid. Eg tilrår å høyre lydsporet medan ein kan, og sannsynlegvis kjem det i eit meir permanent format snart – fristen har alt blitt utvida éin gong.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa