Slagkraftig sjangerutfordring
Den puertoricanske rapparen Villano Antillanos debutalbum utfordrar sjangersedvanar og kjønnsrollemønster.
Pop / Rap
Villano Antillano:
La Sustancia X
La Buena Fortuna Music
La Sustancia X er debutalbumet til den puertoricanske rapparen Villano Antillano. Både tittelen og superheltkostymet artisten er iført på coveret, refererer til teiknefilmserien Powerpuff Girls.
Der blir hovudpersonane utsette for ein substans kalla Chemical X som gir makt til å overvinne vonde tendensar med feminin superkraft.
Opningssongen, «Pre-caución, esta canción es un hechizo», syner straks Villano Antillanos kraft og virtuositet som rappar. Hurtige spanskspråklege vendingar med presist attakk som skaper dei mest spenningsladde støytane, flyt uanstrengt over drivande seige trap beats. Kontrasten i stemmebruken mellom vers og refreng er massiv og nærast umerkeleg på same tid. Sporet som følgjer, «Hedonismo», aukar tempoet eit par hakk og er blytungt funky. «Cáscara de Coco» og «Kaleidoscópica» vert drivne av tunge, spretne reggaetónrytmar og snertne gitar- og marimbosnuttar.
Det slagkraftige og dramatiske trap-reggaetón-lydbiletet held fram til og med sjuande spor, «¡Hello Kitty!» – nok ein popkulturreferanse som understrekar den flytande kjønnsidentitetstematikken, før albumet tar ein sving inn mot rockterritoriet: «Puesta» (med La Dame Blanche på gjestevokal) har vrengd metalgitar og intense vokalharmoniar med røter over mesteparten av kloden i hovudrolla: Dette er hypermoderne dansemusikk med tradisjonelt krydder.
I «Mujer» kling eit ekko av Bone Thugs-n-Harmonys mordarisk melankolske 90-tals syngerap; «Nena Mala» er synthpop med jamrande apokalyptisk sci-fi-gitar, kompakte maskinelle rocketrommer og lyden av demokratisk protest. Sistesporet har eit hint av latinjazz, og eg protesterer mot å ikkje høyre på Villano Antillanos musikk.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop / Rap
Villano Antillano:
La Sustancia X
La Buena Fortuna Music
La Sustancia X er debutalbumet til den puertoricanske rapparen Villano Antillano. Både tittelen og superheltkostymet artisten er iført på coveret, refererer til teiknefilmserien Powerpuff Girls.
Der blir hovudpersonane utsette for ein substans kalla Chemical X som gir makt til å overvinne vonde tendensar med feminin superkraft.
Opningssongen, «Pre-caución, esta canción es un hechizo», syner straks Villano Antillanos kraft og virtuositet som rappar. Hurtige spanskspråklege vendingar med presist attakk som skaper dei mest spenningsladde støytane, flyt uanstrengt over drivande seige trap beats. Kontrasten i stemmebruken mellom vers og refreng er massiv og nærast umerkeleg på same tid. Sporet som følgjer, «Hedonismo», aukar tempoet eit par hakk og er blytungt funky. «Cáscara de Coco» og «Kaleidoscópica» vert drivne av tunge, spretne reggaetónrytmar og snertne gitar- og marimbosnuttar.
Det slagkraftige og dramatiske trap-reggaetón-lydbiletet held fram til og med sjuande spor, «¡Hello Kitty!» – nok ein popkulturreferanse som understrekar den flytande kjønnsidentitetstematikken, før albumet tar ein sving inn mot rockterritoriet: «Puesta» (med La Dame Blanche på gjestevokal) har vrengd metalgitar og intense vokalharmoniar med røter over mesteparten av kloden i hovudrolla: Dette er hypermoderne dansemusikk med tradisjonelt krydder.
I «Mujer» kling eit ekko av Bone Thugs-n-Harmonys mordarisk melankolske 90-tals syngerap; «Nena Mala» er synthpop med jamrande apokalyptisk sci-fi-gitar, kompakte maskinelle rocketrommer og lyden av demokratisk protest. Sistesporet har eit hint av latinjazz, og eg protesterer mot å ikkje høyre på Villano Antillanos musikk.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa