Smittande positivitet
Den spretne klubbmusikken til Anz seier ja til livet uansett tid på døgnet.
DJ Anz byr på eigne komposisjonar på det nye albumet.
Pressefoto
Elektronisk musikk
Anz:
All Hours
Ninja Tune
Den britiske DJ-en og musikkprodusenten Anz er basert i Manchester. Ho spelar spretten klubbmusikk på den frie internettradiokanalen NTS éin laurdag i månaden, og DJ-setta hennar er aldri keisame. Dei krinsar rundt acid house, breakbeat, electro, afrobeat, afrobeats (ja, dette er to forskjellige sjangrar), og andre funky stilartar der det vert lagt stor vekt på basslinene. På All Hours får vi høyre hennar eigne komposisjonar, og her er det òg dei djupe frekvensane som står i fokus.
Medan eg først og fremst har følgt NTS-programmet til Anz på grunn av den fortreffelege og varierte smaken hennar, bidreg også den smittande, positive personlegdomen hennar til å halde merksemda mi. Det er ei glede å kunne melde at også All Hours har desse kvalitetane: EP-en tek lyttaren med på ei variert, smakfull og positiv musikalsk reise.
Den luftige låta «You Could Be» er ein 90-talsaktig soul-dance-popsong om håpefull og frisk kjærleik, krydra med eit nikk til Yellow Magic Orchestra. På «Real Enough To Feel Good» kommuniserer vokalen at det går ordentleg bra, og dei spretne taktene gjer det lett å late seg overbevise av det oppløftande mantraet.
«Last Before Lights» er meir intens og dramatisk i uttrykket, men stadig oppkvikkande. Nok ein gong dukkar ei motiverande stemmesampling opp mellom trommebrekk, brumlebass og 90-talsaktige pianoakkordar: Sjølv om dette skulle vise seg å vere siste låt for natta, kan ingen stogge deg, og som tittelen seier, inneheld All Hours musikk for alle tider på døgnet.
Rasmus Hungnes
Rasmus Hungnes er kunstnar, trommeslagar, DJ og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Anz:
All Hours
Ninja Tune
Den britiske DJ-en og musikkprodusenten Anz er basert i Manchester. Ho spelar spretten klubbmusikk på den frie internettradiokanalen NTS éin laurdag i månaden, og DJ-setta hennar er aldri keisame. Dei krinsar rundt acid house, breakbeat, electro, afrobeat, afrobeats (ja, dette er to forskjellige sjangrar), og andre funky stilartar der det vert lagt stor vekt på basslinene. På All Hours får vi høyre hennar eigne komposisjonar, og her er det òg dei djupe frekvensane som står i fokus.
Medan eg først og fremst har følgt NTS-programmet til Anz på grunn av den fortreffelege og varierte smaken hennar, bidreg også den smittande, positive personlegdomen hennar til å halde merksemda mi. Det er ei glede å kunne melde at også All Hours har desse kvalitetane: EP-en tek lyttaren med på ei variert, smakfull og positiv musikalsk reise.
Den luftige låta «You Could Be» er ein 90-talsaktig soul-dance-popsong om håpefull og frisk kjærleik, krydra med eit nikk til Yellow Magic Orchestra. På «Real Enough To Feel Good» kommuniserer vokalen at det går ordentleg bra, og dei spretne taktene gjer det lett å late seg overbevise av det oppløftande mantraet.
«Last Before Lights» er meir intens og dramatisk i uttrykket, men stadig oppkvikkande. Nok ein gong dukkar ei motiverande stemmesampling opp mellom trommebrekk, brumlebass og 90-talsaktige pianoakkordar: Sjølv om dette skulle vise seg å vere siste låt for natta, kan ingen stogge deg, og som tittelen seier, inneheld All Hours musikk for alle tider på døgnet.
Rasmus Hungnes
Rasmus Hungnes er kunstnar, trommeslagar, DJ og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa