Vakkert og dystert
Tord Gustavsen brukar studiokvalitetane for alt dei er verde.
Jazz
Tord Gustavsen Trio:
Opening
Tord Gustavsen, piano og elektronikk; Steinar Raknes, bass og elektronikk; Jarle Vespestad, trommer. ECM
Den femte trioplata til Tord Gustavsen er ein sterk oppfølgjar til utgjevinga for fire år sidan, The Other Side. Også på denne plata kombinerer han eigne låtar med tolking av nokre klassikarar. I 2018 var det Bach og Lindeman, på Opening er Tveitt og Hovland i tillegg til «Visa från Rättvik», gjort udøyeleg av Jan Johanson, men her ein outro til låten «Findings».
Låtane til Gustavsen står seg i det sterke selskapet. Best er han i dei enkle og melodiøse «The Circle» og «The Shepperd Song». «The Longing» vert litt føreseieleg.
Musikken er spelt inn i det vidgjetne kringkastingsstudioet i Lugano Auditorio Stelio Molo. Det er tydelegvis eitt av favorittstudioa til Mannfred Eicher, og sjeldan høyrer ein ei innspeling som lener seg så mykje på kvalitetane studioet har å by på.
Kombinasjonen av studioklangen og bruken av elektronikk av både Gustavsen og Raknes er eit særmerke ved innspelinga. På «Ritual» er elektronisk manipulert strykebass og ditto manipulert klaverklang i det djupe registeret kombinert med den mektige studioklangen med på å skapa eit nærast brutalt dystert musikalsk uttrykk. Raknes brukar med hell bogen også på «Helensburg Tango» og «Re-Opening», men ikkje like brutalt vakkert som på «Ritual».
Jarle Vespestad har vore samarbeidspartnar med Gustavsen heilt frå byrjinga av triokarrieren i 2003. Han leverer på sedvanleg vis sparsamt, stødig spel med utsøkt sans for cymbalklangar.
Raknes glir fint inn i trioen både med nemnde strykebidrag, men elles i ein kontinuerleg og meiningsfull samtale dei tre imellom.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Tord Gustavsen Trio:
Opening
Tord Gustavsen, piano og elektronikk; Steinar Raknes, bass og elektronikk; Jarle Vespestad, trommer. ECM
Den femte trioplata til Tord Gustavsen er ein sterk oppfølgjar til utgjevinga for fire år sidan, The Other Side. Også på denne plata kombinerer han eigne låtar med tolking av nokre klassikarar. I 2018 var det Bach og Lindeman, på Opening er Tveitt og Hovland i tillegg til «Visa från Rättvik», gjort udøyeleg av Jan Johanson, men her ein outro til låten «Findings».
Låtane til Gustavsen står seg i det sterke selskapet. Best er han i dei enkle og melodiøse «The Circle» og «The Shepperd Song». «The Longing» vert litt føreseieleg.
Musikken er spelt inn i det vidgjetne kringkastingsstudioet i Lugano Auditorio Stelio Molo. Det er tydelegvis eitt av favorittstudioa til Mannfred Eicher, og sjeldan høyrer ein ei innspeling som lener seg så mykje på kvalitetane studioet har å by på.
Kombinasjonen av studioklangen og bruken av elektronikk av både Gustavsen og Raknes er eit særmerke ved innspelinga. På «Ritual» er elektronisk manipulert strykebass og ditto manipulert klaverklang i det djupe registeret kombinert med den mektige studioklangen med på å skapa eit nærast brutalt dystert musikalsk uttrykk. Raknes brukar med hell bogen også på «Helensburg Tango» og «Re-Opening», men ikkje like brutalt vakkert som på «Ritual».
Jarle Vespestad har vore samarbeidspartnar med Gustavsen heilt frå byrjinga av triokarrieren i 2003. Han leverer på sedvanleg vis sparsamt, stødig spel med utsøkt sans for cymbalklangar.
Raknes glir fint inn i trioen både med nemnde strykebidrag, men elles i ein kontinuerleg og meiningsfull samtale dei tre imellom.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa