Wallumrødsk folkemusikk
Eit unikt solopianouttrykk er i emning.
Jazz / Samtidsmusikk
Christian Wallumrød:
Speaksome
Christian Wallumrød, piano, synthesizerar, autoharpe og trommemaskin.
Hubro
Christian Wallumrød er i ferd med å utvikla eit unikt uttrykk som solopianist. I dette uttrykket flettar han inn elektroniske instrument som blir brukte diskret, men til tider overraskande. Også pianolyden blir av og til manipulert, men like fullt er det pianoet som legg hovudtyngda av premissane.
Norsk folkemusikk har ein heilt sentral plass i fleire av dei sju komposisjonane – som alle er førte i pennen av Wallumrød. Det er ikkje snakk om slåttespel på piano. Forma er ofte fragmentarisk og «stangar» gjerne inn i kontrasterande musikalske idear eller har eit klangleg og harmonisk underlag som gjev musikken ein klar ambivalens.
Han varierer tempoet, endrar dei groovande figurane og legg inn medvitne «skødd» for å røska lydarane ut av komfortsona. Låtane «Self Volk» og «Nölen und laden» inneheld alt dette og er høgdepunkta på plata.
På den førre solopianoplata, Pianokammer (Hubro, 2015), var inspirasjonen frå Keith Jarrett tydeleg. På denne utgjevinga finn ein den same inspirasjonen i den fornøyelege «Gitar». Tittelkuttet «Speaksome» er ein herleg miks av norsk folkemusikk og blues – ein skikkeleg honnør til Jan Johansson.
No ser eg fram til at me får høyra Christian Wallumrød solopiano på Landskappleiken. God jol!
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz / Samtidsmusikk
Christian Wallumrød:
Speaksome
Christian Wallumrød, piano, synthesizerar, autoharpe og trommemaskin.
Hubro
Christian Wallumrød er i ferd med å utvikla eit unikt uttrykk som solopianist. I dette uttrykket flettar han inn elektroniske instrument som blir brukte diskret, men til tider overraskande. Også pianolyden blir av og til manipulert, men like fullt er det pianoet som legg hovudtyngda av premissane.
Norsk folkemusikk har ein heilt sentral plass i fleire av dei sju komposisjonane – som alle er førte i pennen av Wallumrød. Det er ikkje snakk om slåttespel på piano. Forma er ofte fragmentarisk og «stangar» gjerne inn i kontrasterande musikalske idear eller har eit klangleg og harmonisk underlag som gjev musikken ein klar ambivalens.
Han varierer tempoet, endrar dei groovande figurane og legg inn medvitne «skødd» for å røska lydarane ut av komfortsona. Låtane «Self Volk» og «Nölen und laden» inneheld alt dette og er høgdepunkta på plata.
På den førre solopianoplata, Pianokammer (Hubro, 2015), var inspirasjonen frå Keith Jarrett tydeleg. På denne utgjevinga finn ein den same inspirasjonen i den fornøyelege «Gitar». Tittelkuttet «Speaksome» er ein herleg miks av norsk folkemusikk og blues – ein skikkeleg honnør til Jan Johansson.
No ser eg fram til at me får høyra Christian Wallumrød solopiano på Landskappleiken. God jol!
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa