Film

Mone Celin skrede

mone@dagogtid.no

Kvinnen fra Brest, heiter filmen på norsk, og han er basert på biografien om legen Irène Frachon. Den danske skodespelaren Sidse Babett Knudsen, som er kjend frå Borgen, har tittelrolla. Franchon oppdagar ein farleg statistikk rundt eit legemiddel som har vore på marknaden i 30 år, og må hanskast med heile den franske helseindustrien. Biverknadane i medisinen har nemleg teke hundrevis av menneskeliv.

Den verkelege Frachon publiserte ein studie som avslørte den største medisinske skandalen i Frankrike, heiter det i Dagsavisen denne veka. Den reseptbelagde medisinen Mediator stod for mellom 500 og 2000 dødsfall. Medisinen var opphavleg laga for diabetikarar, men vart nytta som slankemedisin av svært mange. Legemiddelfirmaet hadde nær kontakt med dåverande president Nicolas Zarkösy, og over fem millionar pasientar hadde fått medisinen.

Trass i ein hovudrolleinnehavar som har markert seg på norske TV-skjermar, og ei interessant og sann historie, er ikkje meldaren frå Filmmagasinet imponert. Jamvel om Sidse Babett Knudsen har eit stort ensemble rundt seg, vert mange av figurane for anonyme til at ein eigentleg bryr seg. Det er berre David mot Goliat-historia som pirrar litt, og denne kampen anar ein fort utfallet av, skriv han.