Grenser

1. Kva er promillegrensa til sjøs i Noreg (mindre båtar)?

2. Kva tre fylke grensar Hardangervidda til?

3. Kor gamal må ein vere for å kunne ta jegerprøva?

Assosiasjonar

4. Eit afrikansk land har ein hovudstad som får nordmenn til å tenkje på Knutsen og Ludvigsen. Kva heiter landet?

5. Kva heiter høgsterettsdommaren i USA som gjekk av med pensjon i sommar, der namnet har sterke politiske assosiasjonar?

6. Kva kallar vi ei gruppe med insekt, mantodea på latin, som kan gje assosiasjonar til religiøs praksis?

Eurovision Song Contest

7. Kva norsk folkedans fekk eit oppsving etter at Alexander Rybak vann Eurovision Song Contest med låta «Fairytale» i 2009?

8. Kva heiter den svenske låta som gjekk til topps i finalen i Eurovision Song Contest i Luxembourg i 1984?

9. «Nocturne» av Secret Garden er ein av tre norske songar som har vunne Eurovision Song Contest. I kva by vart finalen arrangert det året, i 1995?

Vikinggeografi

10. Kva namn gav vikingane staden som i dag heiter Newfoundland?

11. Kva kalla vikingane landområdet som i dag omfattar m.a.w Russland og Ukraina?

12. Kva er dagens namn på byen vikingane kalla Miklagard?

Sjukdomar

13. Kva heiter det myggborne viruset som spreidde seg raskt i Sør-Amerika i 2015 og utvikla seg til ein pandemi?

14. Kva organ er det sjukdommen hepatitt råkar?

15. I 2009 tok over to millionar nordmenn vaksinen Pandemrix. Kva tok dei han mot?

Samisk

16. Kva samisk språk blir snakka så langt sør som i Hedmark?

17. Kva språkgruppe høyrer samiske språk til?

18. Kva er namnet på den noverande sametingspresidenten i Noreg?

USA

19. Kva typisk amerikansk rett har etymologisk opphav i Tyskland?

20. Kva er den mest folkerike staten i USA?

21. Den tidlegare amerikanske presidenten Bill Clinton er ein habil musikar – på kva for eit instrument?

Svar på neste sida