Infrastruktur

1. Dette selskapet, som vart stifta i 1855, har mellom anna hatt namna Statstelegrafen og Telegrafverket. Kva heiter det i dag?

2. Kva er den største hamna i Skandinavia, målt i handelsvolum?

3. Kva europaveg er den klart lengste i Noreg, og går frå Trelleborg i Sverige til Kirkenes?

Britisk litteratur

4. Kva britisk forfattar er kjend for å ha skrive verk som Mrs. Dalloway, To the
Lighthouse og Orlando: A Biography?

5. Kva heiter rollefiguren som drap far til Hamlet i Shakespeare-stykket med same namn?

6. Danningsromanen (1860–1861) er skriven av Charles Dickens og handlar om den foreldrelause Pip. Kva heiter boka?

I hagen

7. Blautdyret Arion vulgaris opplever dei fleste som ei plage å få i hagen. Dei er glade i øl, som kan brukast til å lage feller. Kva dyr snakkar vi om?

8. Denne giftige, men populære planten likar seg best i sur jord. Han blir kalla alperose, men er vel mest kjend under det vitskaplege namnet sitt. Kva er det?

9. Det er fullt mogleg å dyrke frukt i hagen, og av denne frukta er sortar som Edda, Reeves og Victoria vanlege. Kva frukt?

Jesus Kristus

10. Soga seier at Jesus vart fødd i Betlehem, men i kva by i Palestina voks han opp?

11. I kva evangelium i Bibelen kan vi lese om at Jesus vekkjer Lasarus opp frå dei daude?

12. Jesus vart døypt av døyparen Johannes, men kvar vart han døypt?

Amerikanske presidentar

13. Kven var president i USA under den første verdskrigen?

14. Demokraten Bill Clinton vann valet i 1992. Kven var motkandidaten frå det republikanske partiet?

15. Kven var visepresidenten til Barack Obama, som no ønskjer å bli demokratane sin presidentkandidat i 2020?

Mexico

16. Kva heiter den meksikanske biletkunstnaren som er kjent for sjølvportretta sine, og som har kultstatus i visse feministiske krinsar?

17. Aztekarane var eit folk som styrte Mexico fram til spanjolane kom på 1500-talet. Dei dyrka eit heilagt tre, og frøa til dette treet vart til og med brukte som betalingsmiddel. Kva kallar vi desse frøa?

18. Kva tre land grensar Mexico til?

Musikkinstrument

19. Blokkfløyta vart obligatorisk i norsk skule i 1960, og er både elska og hata. Men kva er det engelske namnet på denne fløyta?

20. «A whiter shade of pale» (1967) av Procol Harum seiest å vere den mest spelte songen i Storbritannia i moderne tid. Kva spesielt tangentinstrument spelar Matthew Fischer i låta?

21. Kva heiter det norske folkeinstrumentet som har ei lang og tynn resonanskasse med eit varierande tal på strengar som ein klimprar på, og som framleis har ein sterk tradisjon i Valdres?

Svar på neste side