Vin

1. Drua går under namnet Primitivo i Italia, men blir kalla Zinfandel i eit anna stort vinland. Kva land?

2. Kva heiter guden for vin i gresk mytologi?

3. Den første pappvinen i 3-litersboks som kom ut på den norske marknaden, heitte St. Clement og kosta 125 kroner. Kva år var det?

Russiske ord på norsk

4. Kva tyder ordet perestrojka?

5. Kva tyder ordet babusjka?

6. Kva tyder ordet kreml?

Krydder

7. Det er i hovudsak to typar kanel som blir brukte som krydder. Kassiakanelen kjem frå Kina og er mest brukt i Skandinavia, medan den andre varianten opphavleg kjem frå Sri Lanka og blir rekna som den beste. Kva heiter denne kaneltypen?

8. Safran er eit av dei dyraste kryddera i verda. Eitt land produserer i dag 95 prosent av all safran på verdsmarknaden. Kva land?

9. Kva er scovilleskalaen, oppkalla etter kjemikaren Wilbur Scoville?

Nato

10. Kva var namnet på alliansen som var eit sovjetisk motstykke til Nato?

11. Kva står bokstavane i Nato for?

12. Jens Stoltenberg vart generalsekretær i Nato i 2014. Kven tok han over for?

Filmklassikarar

13. Kva heiter filmen der Jack Nicholsons rollefigur øksar seg gjennom ei dør, lener hovudet inn og seier «Here’s Johnny»?

14. I kva film møter vi Alex DeLarge, som er rekna for å vere ein av dei verste skurkane i filmhistoria ?

15. I kva film spelar Audrey Hepburn den sjarmerande Holly Golightly?

Reformasjonen

16. Kor mange tesar skreiv Martin Luther om avlatshandelen i den katolske kyrkja i 1517?

17. Kva heitte den danske kongen som innførte reformasjonen i Noreg og i same slengen tok statusen som eige rike frå Noreg?

18. Den katolske kyrkja grunnla ein ny orden som ein del av motreformasjonen. Munkane har ikkje faste kloster, og undervisning og vitskap er ein viktig del av filosofien deira. Kva heiter ordenen?

Brasil

19. Kven vart vald til president i Brasil i årets val?

20. Kva er det offisielle språket i Brasil?

21. Brasil deler landegrense med alle land i Sør-Amerika med unntak av to. Kva land er dette?

Svar på neste side