Boblepop
Ei verdig innføring i eksperimentell pop frå Japan i 80-åra.
Pop
Ymse artistar:
Somewhere Between: Mutant Pop, Electronic Minimalism & Shadow Sounds of Japan 1980–1988
Light In The Attic Records
Før i tida var det å bla gjennom platene i butikkhyllene på leit etter appellerande omslag ein metode eg ofte nytta for å oppdage ny musikk. Augneblinken då eg snubla over det forvitnelege collageomslaget til Yellow Magic Orchestras første plate frå 1978, skulle bli viktig for utvidinga av den musikalske horisonten min. Dette japanske bandets tidlege elektronika minte om Kraftwerk, men i staden for stoisk, sentraleuropeisk atom- og asfaltsvartsyn, utsondra musikken noko eksotisk varmt og urbant, spelmusikkaktig leikent.
YMO-medlemmene var òg involverte i ei rekke andre framifrå musikkprosjekt. Bassist, vokalist og keyboardist Haruomi Hosonos arbeid som produsent er særleg interessant, og etter kvart, mellom anna med YouTubes tilrådingsalgoritme som hjelp, opna det seg ei ny verd av nyskapande japansk pop- og ambientrelatert musikk frå 80-talet, for meg og for mange andre, deriblant plateselskapet Light In The Attic. Dei har gitt ut mykje japansk musikk frå 80-talet på nytt, mellom anna samleplata Somewhere Between.
Samlinga inneheld eksperimentell pop med utstrekt bruk av elektroniske verktøy som synthesizerar, sampling og trommemaskiner. Nokre av høgdepunkta er signert Mishio Ogawa (produsert av nettopp Hosono frå YMO), Mkwaju Ensemble (med perkusjonisten Midoru Takada på marimba) og det framifrå folk-elektronika-orkesteret Wha-ha-ha.
Songane av Takami Hasegawa, Mammy, Dip in the Pool og Sonoko er kan hende ikkje det heilt store, men dette er uansett ei fin innføring i eit særeige og inspirerande kapittel av musikkhistoria.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Ymse artistar:
Somewhere Between: Mutant Pop, Electronic Minimalism & Shadow Sounds of Japan 1980–1988
Light In The Attic Records
Før i tida var det å bla gjennom platene i butikkhyllene på leit etter appellerande omslag ein metode eg ofte nytta for å oppdage ny musikk. Augneblinken då eg snubla over det forvitnelege collageomslaget til Yellow Magic Orchestras første plate frå 1978, skulle bli viktig for utvidinga av den musikalske horisonten min. Dette japanske bandets tidlege elektronika minte om Kraftwerk, men i staden for stoisk, sentraleuropeisk atom- og asfaltsvartsyn, utsondra musikken noko eksotisk varmt og urbant, spelmusikkaktig leikent.
YMO-medlemmene var òg involverte i ei rekke andre framifrå musikkprosjekt. Bassist, vokalist og keyboardist Haruomi Hosonos arbeid som produsent er særleg interessant, og etter kvart, mellom anna med YouTubes tilrådingsalgoritme som hjelp, opna det seg ei ny verd av nyskapande japansk pop- og ambientrelatert musikk frå 80-talet, for meg og for mange andre, deriblant plateselskapet Light In The Attic. Dei har gitt ut mykje japansk musikk frå 80-talet på nytt, mellom anna samleplata Somewhere Between.
Samlinga inneheld eksperimentell pop med utstrekt bruk av elektroniske verktøy som synthesizerar, sampling og trommemaskiner. Nokre av høgdepunkta er signert Mishio Ogawa (produsert av nettopp Hosono frå YMO), Mkwaju Ensemble (med perkusjonisten Midoru Takada på marimba) og det framifrå folk-elektronika-orkesteret Wha-ha-ha.
Songane av Takami Hasegawa, Mammy, Dip in the Pool og Sonoko er kan hende ikkje det heilt store, men dette er uansett ei fin innføring i eit særeige og inspirerande kapittel av musikkhistoria.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa