Dømd sør og opp
Nilüfer Yanya leverer beintfram framifrå poprock.
Rock
Nilüfer Yanya:
Miss Universe
According To Our Records
Miss Universe, er tittelen på debutalbumet til den britiske singer-songwriter-artisten Nilüfer Yanya. Yanya, fødd i 1996, byrja med å legge ut musikken sin på Soundcloud i 2014 og takka nei til eit tilbod om å bli med i eit One Direction-relatert jenteband, for heller å fokusere på sin eigen musikk. Godt er det, for det ville vore eit stort tap for verda om slik unik stemmeprakt og låtskrivarevne hadde blitt slukt av det hyperkommersielle popmaskineriet.
Medrivande
Albumet er strukturert rundt ein serie satiriske muzak- og spoken word-snuttar frå det fiktive byrået WWAY HEALTH, eit slags helseforsikrings- og sjølvhjelpsselskap frå det mørkaste, mest framandgjerande djupet av vår digitaliserte tidsalder. Innimellom dei uhyggjeleg velkjende, ventemusikkakkompagnerte og umenneskelege kundeservicehelvetesnuttane, kjem tolv beint fram framifrå, svært menneskelege poprocksongar som i den eine augneblunken minner om det beste med Pixies’ alternative rock, i den neste om den mest silkemjuke soul. Det heile er tvers gjennom medrivande og draumeaktig.
Høg kvalitet
Yanya fortel i eit intervju på YouTube-kanalen MTV News at ho – etter å ha utgjeve debutalbumet sitt – har innsett kor slemt det er å døme folk ut frå albuma deira. «So don’t judge me by my album», ber ho. Diverre lyt ei melding gjerne kome fram til ein form for dom, og dommen er at Miss Universe er eit gjennomført album av høgaste kvalitet – det beste denne meldaren har høyrt innan indiesjangeren på lang, lang tid.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Nilüfer Yanya:
Miss Universe
According To Our Records
Miss Universe, er tittelen på debutalbumet til den britiske singer-songwriter-artisten Nilüfer Yanya. Yanya, fødd i 1996, byrja med å legge ut musikken sin på Soundcloud i 2014 og takka nei til eit tilbod om å bli med i eit One Direction-relatert jenteband, for heller å fokusere på sin eigen musikk. Godt er det, for det ville vore eit stort tap for verda om slik unik stemmeprakt og låtskrivarevne hadde blitt slukt av det hyperkommersielle popmaskineriet.
Medrivande
Albumet er strukturert rundt ein serie satiriske muzak- og spoken word-snuttar frå det fiktive byrået WWAY HEALTH, eit slags helseforsikrings- og sjølvhjelpsselskap frå det mørkaste, mest framandgjerande djupet av vår digitaliserte tidsalder. Innimellom dei uhyggjeleg velkjende, ventemusikkakkompagnerte og umenneskelege kundeservicehelvetesnuttane, kjem tolv beint fram framifrå, svært menneskelege poprocksongar som i den eine augneblunken minner om det beste med Pixies’ alternative rock, i den neste om den mest silkemjuke soul. Det heile er tvers gjennom medrivande og draumeaktig.
Høg kvalitet
Yanya fortel i eit intervju på YouTube-kanalen MTV News at ho – etter å ha utgjeve debutalbumet sitt – har innsett kor slemt det er å døme folk ut frå albuma deira. «So don’t judge me by my album», ber ho. Diverre lyt ei melding gjerne kome fram til ein form for dom, og dommen er at Miss Universe er eit gjennomført album av høgaste kvalitet – det beste denne meldaren har høyrt innan indiesjangeren på lang, lang tid.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa