Fantasistimulerande platekusk
Den kjende hiphopprodusenten Lawrence Muggerud mekrar med sin kjende ljod.
Hiphop
DJ Muggs the Black Goat:
Dies Occidendum
Sacred Bones
DJ Muggs er kjend som platekusk i Cypress Hill, men han har òg mykje anna på diskografien. Mellom anna står han bak 90-talshitar som Ice Cubes «Check Yo Self» og House of Pains «Jump Around», og i 2016 samarbeidde han med zef-rap-orkesteret Die Antwoord under namnet The Black Goat.
Det eigentlege namnet hans er Lawrence Muggerud, etter Muggerud i Sauherad. Han er, skal ein tru internett, adoptivbarn av ein norskætta familie i New York, og den nye soloplata hans, Dies Occidendum, er gitt ut under namnet DJ Muggs the Black Goat.
Dramatisk
Medan beaten i «Jump Around», i likskap med Cypress Hill-hiten «Insane In The Brain», ifølgje DJ Muggs sjølv ikkje inneheld hestelydar (trass i at det sanneleg høyrest slik ut), får vi her utan tvil høyre mekring. Om det er tale om geit, slik ein skulle tru, sau eller liknande, veit eg ikkje sikkert, men blant dei andre lydkjeldene det finst spor etter bak, framom og mellom den trillande hi-hat-programmeringa og dei hardtslåande trommene som driv desse dramatiske og hypnotiske instrumentalsongane framover, finst obskure skrekkfilmar, grashopper, flammar, kyrkjemusikk og psykedelisk rock.
Dunkelt
Stilen til DJ Muggs har alltid vore dunkel, og Dies Occidendum er innhylla i mystikk og okkulte referansar. Artisten sjølv har fortalt at utgjevinga er inspirert av Led Zeppelins mest obskure og sjølvmytologiserande tendensar, og i likskap med dei visstnok ikkje-eksisterande hestesamplingane, stimulerer denne musikken både fantasi og rytmesans.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Hiphop
DJ Muggs the Black Goat:
Dies Occidendum
Sacred Bones
DJ Muggs er kjend som platekusk i Cypress Hill, men han har òg mykje anna på diskografien. Mellom anna står han bak 90-talshitar som Ice Cubes «Check Yo Self» og House of Pains «Jump Around», og i 2016 samarbeidde han med zef-rap-orkesteret Die Antwoord under namnet The Black Goat.
Det eigentlege namnet hans er Lawrence Muggerud, etter Muggerud i Sauherad. Han er, skal ein tru internett, adoptivbarn av ein norskætta familie i New York, og den nye soloplata hans, Dies Occidendum, er gitt ut under namnet DJ Muggs the Black Goat.
Dramatisk
Medan beaten i «Jump Around», i likskap med Cypress Hill-hiten «Insane In The Brain», ifølgje DJ Muggs sjølv ikkje inneheld hestelydar (trass i at det sanneleg høyrest slik ut), får vi her utan tvil høyre mekring. Om det er tale om geit, slik ein skulle tru, sau eller liknande, veit eg ikkje sikkert, men blant dei andre lydkjeldene det finst spor etter bak, framom og mellom den trillande hi-hat-programmeringa og dei hardtslåande trommene som driv desse dramatiske og hypnotiske instrumentalsongane framover, finst obskure skrekkfilmar, grashopper, flammar, kyrkjemusikk og psykedelisk rock.
Dunkelt
Stilen til DJ Muggs har alltid vore dunkel, og Dies Occidendum er innhylla i mystikk og okkulte referansar. Artisten sjølv har fortalt at utgjevinga er inspirert av Led Zeppelins mest obskure og sjølvmytologiserande tendensar, og i likskap med dei visstnok ikkje-eksisterande hestesamplingane, stimulerer denne musikken både fantasi og rytmesans.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa