Fin fiolinsoul
Sjølvlærd fiolinist serverer storfelt musikk på Athena.
R&B
Sudan
Archives:
Athena
Stones Throw
Records
Den sjølvlærte fiolinist-vokalist-produsenten Brittney Denise Parks, som lagar musikk under namnet Sudan Archives og er oppvaksen i Ohio, hentar inspirasjon frå nordaustafrikansk felemusikk, R&B og eksperimentell elektronisk musikk. Resultatet er ein heilt unik sound.
Hennar EP frå fjoråret, Sink, blei laga med loopstation, trommemaskiner, fiolin, ei handfull handtrommer og generelt spartansk med utstyr, og låta «Nont For Sale» var eit drusteleg døme på kor storslege minimalistisk musikken til Sudan Archives kan vere. Sink var den andre EP-en hennar, og på debutalbumet Athena har ho samarbeidd med eit vell av produsentar – mellom andre Wilma Archer (Nilufer Yanya) og Paul White (Danny Brown, Charli XCX) – og etter ein introduksjon som består av strengplukking og ein enkel vokalmelodi, viser det seg raskt at lydbiletet har blitt langt meir omfattande enn tidligare.
Her får vi høyre ei rekke storstilte låtar, som til dømes den stakkato-strykar-drivne «Confessions» og den hjarteskjerande balladen «Down On Me». «Green Eyes» byd på nærast psykedeliske forvridde harmoniar, og den stadsuspesifikke folkedansen «Glorius» kjem med vrengd bass og rapgjesteartist på kjøpet. Medan den abstrakte funkinstrumentalen «Stuck» smakar som lydsporet til ein Shaft-film, er «Limitless» ein varm poplåt, og det heile kulminerer i avslutningssporet «Pelicans In The Summer», ein omfattande og svært groovy neosoulkomposisjon. Sudan Archives kler det storfelte og smått pompøse godt.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
R&B
Sudan
Archives:
Athena
Stones Throw
Records
Den sjølvlærte fiolinist-vokalist-produsenten Brittney Denise Parks, som lagar musikk under namnet Sudan Archives og er oppvaksen i Ohio, hentar inspirasjon frå nordaustafrikansk felemusikk, R&B og eksperimentell elektronisk musikk. Resultatet er ein heilt unik sound.
Hennar EP frå fjoråret, Sink, blei laga med loopstation, trommemaskiner, fiolin, ei handfull handtrommer og generelt spartansk med utstyr, og låta «Nont For Sale» var eit drusteleg døme på kor storslege minimalistisk musikken til Sudan Archives kan vere. Sink var den andre EP-en hennar, og på debutalbumet Athena har ho samarbeidd med eit vell av produsentar – mellom andre Wilma Archer (Nilufer Yanya) og Paul White (Danny Brown, Charli XCX) – og etter ein introduksjon som består av strengplukking og ein enkel vokalmelodi, viser det seg raskt at lydbiletet har blitt langt meir omfattande enn tidligare.
Her får vi høyre ei rekke storstilte låtar, som til dømes den stakkato-strykar-drivne «Confessions» og den hjarteskjerande balladen «Down On Me». «Green Eyes» byd på nærast psykedeliske forvridde harmoniar, og den stadsuspesifikke folkedansen «Glorius» kjem med vrengd bass og rapgjesteartist på kjøpet. Medan den abstrakte funkinstrumentalen «Stuck» smakar som lydsporet til ein Shaft-film, er «Limitless» ein varm poplåt, og det heile kulminerer i avslutningssporet «Pelicans In The Summer», ein omfattande og svært groovy neosoulkomposisjon. Sudan Archives kler det storfelte og smått pompøse godt.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa