Maskinell menneskemusikk
Tresor kjem med ei tidsriktig nyutgjeving av klassisk Detroit–Berlin-kombinasjon.
Elektronisk
3MB feat. Magic Juan Atkins:
3MB feat. Magic Juan Atkins
Tresor
Disko blei til house i Chicago, men teknoens opphav er mindre kjent. Grovt sett er det tale om ei transkontinental utveksling som starta tidleg på 80-talet. Musikarar i Motown-byen Detroit, deriblant Juan Atkins, blei inspirerte av Kraftwerks kalde maskinmusikk og George Clinton-funk, og tok til å lage musikk med trommemaskiner og synthar.
Interessa for Detroit-tekno var større i Europa enn i USA, og mange av artistane blei etter kvart aktive i Berlin, til dømes på det segnomsuste plateselskapet og undergrunnsklubben Tresor, som feirar 30 år i år. Til høvet har dette samarbeidsprosjektet frå 1992 mellom Atkins og Berlins Moritz von Oswald and Thomas Fehlmann blitt utgjeve på nytt, og det læt stadig svært friskt. Dette er kompleks, grensesprengjande, djup, fri, medrivande, varm og menneskeleg maskinmusikk, der funk og kosmisk krautrock blandar seg med sci-fi-filmmusikk og jazz.
Den siste tida har eg med lengsel sett på opptak av klubbkveldar fylte med lukkelege dansarar i mindre virusprega delar av verda. Her heime var berbare lydsystem og distansedanseglade føter å sjå i parkane så snart sumarsola dukka fram. Saknet etter ein god, grenseoppløysande rave har vore minst like stort som etter andre former for levande kultur, men klubbmusikk er stadig undervurdert.
3MB feat. Magic Juan Atkins er godt eigna til å knuse myten om at tekno er enkel og banal musikk: Lytt til dømes på sporet «Jazz is the Teacher» og hugs at denne musikken kom ut fem år før nu-jazz-albumet Khmer av Nils Petter Molvær, som i nyare tid har samarbeidd med von Oswald. Inspirasjonen går alle vegar.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk
3MB feat. Magic Juan Atkins:
3MB feat. Magic Juan Atkins
Tresor
Disko blei til house i Chicago, men teknoens opphav er mindre kjent. Grovt sett er det tale om ei transkontinental utveksling som starta tidleg på 80-talet. Musikarar i Motown-byen Detroit, deriblant Juan Atkins, blei inspirerte av Kraftwerks kalde maskinmusikk og George Clinton-funk, og tok til å lage musikk med trommemaskiner og synthar.
Interessa for Detroit-tekno var større i Europa enn i USA, og mange av artistane blei etter kvart aktive i Berlin, til dømes på det segnomsuste plateselskapet og undergrunnsklubben Tresor, som feirar 30 år i år. Til høvet har dette samarbeidsprosjektet frå 1992 mellom Atkins og Berlins Moritz von Oswald and Thomas Fehlmann blitt utgjeve på nytt, og det læt stadig svært friskt. Dette er kompleks, grensesprengjande, djup, fri, medrivande, varm og menneskeleg maskinmusikk, der funk og kosmisk krautrock blandar seg med sci-fi-filmmusikk og jazz.
Den siste tida har eg med lengsel sett på opptak av klubbkveldar fylte med lukkelege dansarar i mindre virusprega delar av verda. Her heime var berbare lydsystem og distansedanseglade føter å sjå i parkane så snart sumarsola dukka fram. Saknet etter ein god, grenseoppløysande rave har vore minst like stort som etter andre former for levande kultur, men klubbmusikk er stadig undervurdert.
3MB feat. Magic Juan Atkins er godt eigna til å knuse myten om at tekno er enkel og banal musikk: Lytt til dømes på sporet «Jazz is the Teacher» og hugs at denne musikken kom ut fem år før nu-jazz-albumet Khmer av Nils Petter Molvær, som i nyare tid har samarbeidd med von Oswald. Inspirasjonen går alle vegar.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa