Neonbelyst moro
Atterklang frå 80-åra vibrerer i sjølvbiografisk musikkalbum.
Rock
of Montreal:
Ur Fun
Polyvinyl Records
Eg blei først merksam på of Montreal då eg høyrde den svært spreke Coquelicot Asleep in the Poppies: A Variety Of Whimsical Verse (2001). Den plata minte sterkt om Beach Boys og The Beatles i deira psykedeliske periodar – tenk Pet Sounds og Smile!, Yellow Submarine-teiknefilmen og Sgt. Pepper’s Lonely Hearts Club Band. Den gong var of Montreal eit band. På Ur Fun, 19 år seinare, opererer frontperson Kevin Barnes mutters åleine.
Her er det den neonbelyste 80-talspopen til Cindy Lauper og Janet Jackson som er den musikalske hovudinspirasjonen, men det psykedeliske er framleis med i biletet. Ur Fun er eit sjølvbiografisk album som krinsar rundt forholdet songaren har til ein «Christina» og forslaget hennar om at dei skal prøve ecstasy som parterapi. Dette er ikkje fullt så radikalt og ansvarslaust som det mogelegvis kan verke som, då det er storstilte forsøk på gang, mellom anna i Canada og USA, som undersøkjer korleis stoffet, MDMA, som det heiter på kjemisk, kan brukast i behandling av psykiske sjukdommar. Lyrikken er privat, men ikkje innettervend, og han er òg spekka med snodige referansar slik som sci-fi-kultfilmen Liquid Sky, som hadde premiere i 1982 – i Montreal. Of Montreal kjem artig nok frå Athens i Georgia i USA. Barnes kalla visstnok prosjektet opp etter ein mislukka romanse i eller frå den kanadiske byen.
Ur Fun, tekstmeldingssjargong for «du er morosam», får ein tru, er ei artig plate som bør sjekkast ut, dersom øyro hungrar etter eit stykke energisk, 80-talspopinspirert rock med spretten rytmeseksjon full av ihuga krumspring.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
of Montreal:
Ur Fun
Polyvinyl Records
Eg blei først merksam på of Montreal då eg høyrde den svært spreke Coquelicot Asleep in the Poppies: A Variety Of Whimsical Verse (2001). Den plata minte sterkt om Beach Boys og The Beatles i deira psykedeliske periodar – tenk Pet Sounds og Smile!, Yellow Submarine-teiknefilmen og Sgt. Pepper’s Lonely Hearts Club Band. Den gong var of Montreal eit band. På Ur Fun, 19 år seinare, opererer frontperson Kevin Barnes mutters åleine.
Her er det den neonbelyste 80-talspopen til Cindy Lauper og Janet Jackson som er den musikalske hovudinspirasjonen, men det psykedeliske er framleis med i biletet. Ur Fun er eit sjølvbiografisk album som krinsar rundt forholdet songaren har til ein «Christina» og forslaget hennar om at dei skal prøve ecstasy som parterapi. Dette er ikkje fullt så radikalt og ansvarslaust som det mogelegvis kan verke som, då det er storstilte forsøk på gang, mellom anna i Canada og USA, som undersøkjer korleis stoffet, MDMA, som det heiter på kjemisk, kan brukast i behandling av psykiske sjukdommar. Lyrikken er privat, men ikkje innettervend, og han er òg spekka med snodige referansar slik som sci-fi-kultfilmen Liquid Sky, som hadde premiere i 1982 – i Montreal. Of Montreal kjem artig nok frå Athens i Georgia i USA. Barnes kalla visstnok prosjektet opp etter ein mislukka romanse i eller frå den kanadiske byen.
Ur Fun, tekstmeldingssjargong for «du er morosam», får ein tru, er ei artig plate som bør sjekkast ut, dersom øyro hungrar etter eit stykke energisk, 80-talspopinspirert rock med spretten rytmeseksjon full av ihuga krumspring.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Jørgen Boassen har vorte kjend langt utanfor Grønlands grenser etter at han viste Donald Trump jr. omkring i Nuuk.
Foto: Christiane Jordheim Larsen
Alle auge på Grønland
NUUK, GRØNLAND: 2025 starta med vaksenopplæring om Grønlands geopolitiske betyding. Saman med store delar av den vestlege pressa har eg følgt spora etter Donald Trump jr. i hovudstaden Nuuk.
Afghanarane som spelar i filmen til Raha Amirfazli og Alireza Ghasemi, har flykta frå Iran.
Foto frå filmen
Filmglede
Det er alltid kjekt å opne det nye året med mykje film.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Papiravisa