Oppløftande lydbølgjer
Det var oppstemd stemning på internett då Run The Jewels og Eric André mana til bruk av stemmeretten.
Run The Jewels på internettkonsert.
Internett-
konsert
Run The Jewels:
Holy Calamavote
Adult Swim
Det er ingenting positivt med covid-19, men ein oppløftande biverknad er at mange musikarar kanaliserer konsertenergien sin gjennom internett. Dei siste vekene har til dømes Utmark strøymt konsertar med saksofonisten Mette Rasmussen og trommeslagaren William Hooker, Sampa The Great har sleppt ei ny framsyning på YouTube, og 100 prosent Electronicas 360-graders konsertserie Virtual Utopia har fått eit tredje innslag.
Og i innspurten til valet i Sambandsstatane framførte hiphopgruppa Run The Jewels det nyaste album, RTJ4, på Adult Swims YouTube-kanal. Tittelen Holy Calamavote spelar på låttittelen «holy calamafuck» (som igjen refererer til Handsome Boys Modeling Schools Holy Calamity (Bear Witness II) frå 1999), og innimellom songane fungerte komikaren og musikaren Eric André som programleiar. Lat meg parafrasere honom: «Stem. Ver så snill og stem. Vi er sjanselause om du ikkje stemmer. Menneskeætta er på randa av samanbrot. Eg ber deg. Ver så snill, du må bruke stemmeretten.»
Eg skriv dette på valdagen. Sjølv om valet i USA er over når du les dette (og dei fleste av oss ikkje har stemmerett der uansett), er bodskapen om å ta aktiv del i demokratiet verd å ta med seg. Å gi seg over til politisk apati og håpløyse er å gi frå seg makt. Uansett, Holy Calamavote og det andre nemnde konsertmaterialet er tilgjengeleg gratis på internett, slik at ein kan overdøyve haustdepresjonen med live-lydbølgjer sjølv no når den andre koronabølgja skyl oss inn i den mørke, kalde tida og gjer fysisk konsertgjengeri mindre aktuelt.
Rasmus Hungnes
Rasmus Hungnes er trommeslagar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Internett-
konsert
Run The Jewels:
Holy Calamavote
Adult Swim
Det er ingenting positivt med covid-19, men ein oppløftande biverknad er at mange musikarar kanaliserer konsertenergien sin gjennom internett. Dei siste vekene har til dømes Utmark strøymt konsertar med saksofonisten Mette Rasmussen og trommeslagaren William Hooker, Sampa The Great har sleppt ei ny framsyning på YouTube, og 100 prosent Electronicas 360-graders konsertserie Virtual Utopia har fått eit tredje innslag.
Og i innspurten til valet i Sambandsstatane framførte hiphopgruppa Run The Jewels det nyaste album, RTJ4, på Adult Swims YouTube-kanal. Tittelen Holy Calamavote spelar på låttittelen «holy calamafuck» (som igjen refererer til Handsome Boys Modeling Schools Holy Calamity (Bear Witness II) frå 1999), og innimellom songane fungerte komikaren og musikaren Eric André som programleiar. Lat meg parafrasere honom: «Stem. Ver så snill og stem. Vi er sjanselause om du ikkje stemmer. Menneskeætta er på randa av samanbrot. Eg ber deg. Ver så snill, du må bruke stemmeretten.»
Eg skriv dette på valdagen. Sjølv om valet i USA er over når du les dette (og dei fleste av oss ikkje har stemmerett der uansett), er bodskapen om å ta aktiv del i demokratiet verd å ta med seg. Å gi seg over til politisk apati og håpløyse er å gi frå seg makt. Uansett, Holy Calamavote og det andre nemnde konsertmaterialet er tilgjengeleg gratis på internett, slik at ein kan overdøyve haustdepresjonen med live-lydbølgjer sjølv no når den andre koronabølgja skyl oss inn i den mørke, kalde tida og gjer fysisk konsertgjengeri mindre aktuelt.
Rasmus Hungnes
Rasmus Hungnes er trommeslagar, kunstnar og fast musikkmeldar i Dag og Tid.
Fleire artiklar
Jørgen Boassen har vorte kjend langt utanfor Grønlands grenser etter at han viste Donald Trump jr. omkring i Nuuk.
Foto: Christiane Jordheim Larsen
Alle auge på Grønland
NUUK, GRØNLAND: 2025 starta med vaksenopplæring om Grønlands geopolitiske betyding. Saman med store delar av den vestlege pressa har eg følgt spora etter Donald Trump jr. i hovudstaden Nuuk.
Afghanarane som spelar i filmen til Raha Amirfazli og Alireza Ghasemi, har flykta frå Iran.
Foto frå filmen
Filmglede
Det er alltid kjekt å opne det nye året med mykje film.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Papiravisa