Spenner det store lerretet
Torn dyrkar dei lange og dramatiske forteljingane.
Gitarist David Torn har spelt med mange kjende artistar, men han lagar òg lydlandskap og filmmusikk.
Foto: Robert Wright / ECM
Samtidsmusikk
David Torn / Tim Berne / Ches Smith:
Sun of Goldfinger
David Torn, gitar, live looping og elektronikk; Tim Berne, altsaksofon; Ches Smith, trommer, tanbou og elektronikk; Craig Taborn, piano og elektronikk (2); Mike Baggetta og Ryan Ferreira, gitar (2); Scorchio Quartet (2) ECM 2613
Gitaristen, komponisten og produsenten David Torn (65) har ei lang og brokete karriere bak seg. For jazzinteresserte nordmenn er han kanskje best kjend som gitaristen til Jan Garbarek ei stund i 80-åra. Han spelar på It’s OK to Listen to The Gray Voice, men Torn bidreg også på ei mengd innspelingar med kjente musikarar som David Bowie, Madonna og k.d. lang. I eige namn er det sikkert mange som minnest Cloud about Mercury (ECM, 1987), men også plata hans frå 2015, Open Sky, på same merke, er verd å merka seg.
Boltreplass til Berne
Trioen som utgjer ryggrada i dette prosjektet, kjenner kvarandre godt frå tidlegare samarbeid. Smith er mellom anna med i Bernes band Snakeoil. Plata er sett saman av tre lange låtar, alle på over 20 minuttar. «Eye Meddle» og «Soften The Blow» er spontant komponerte i studio. Spesielt førstnemnde er eit mektig verk der ringen blir elegant slutta. Her får Berne boltreplass i mengder, og han viser fram eit kreativt register som få andre. Under Berne putrar og kokar det konstant. Torn og Smith lagar eit elektronisk inferno som er krevjande å lytta til, men midtvegs strammar dei opp rytmisk, og dei serverer ein tungrocksekvens det luktar svidd av. Her får spesielt Torn fritt spelerom.
Gjennomkomponert
«Spartan, Before It Hit» er eit verk skrive av Torn og framført av trioen med tillegg av to gitarar, strykekvartett og sjølvaste Craig Taborn på piano og elektronikk. Verket er gjennomkomponert og nyttar tematiske brotstykke, instrumentkarakteristikk og dynamikk til å skapa ein serie kontrastar som driv musikken framover, men også her inngår det heile i Torns lett attkjennande elektroniske univers. Trass i alt det skrivne er her også rom for improvisasjon. Dette er krevjande musikk, men står du i stormen, vert du rikt lønt.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Samtidsmusikk
David Torn / Tim Berne / Ches Smith:
Sun of Goldfinger
David Torn, gitar, live looping og elektronikk; Tim Berne, altsaksofon; Ches Smith, trommer, tanbou og elektronikk; Craig Taborn, piano og elektronikk (2); Mike Baggetta og Ryan Ferreira, gitar (2); Scorchio Quartet (2) ECM 2613
Gitaristen, komponisten og produsenten David Torn (65) har ei lang og brokete karriere bak seg. For jazzinteresserte nordmenn er han kanskje best kjend som gitaristen til Jan Garbarek ei stund i 80-åra. Han spelar på It’s OK to Listen to The Gray Voice, men Torn bidreg også på ei mengd innspelingar med kjente musikarar som David Bowie, Madonna og k.d. lang. I eige namn er det sikkert mange som minnest Cloud about Mercury (ECM, 1987), men også plata hans frå 2015, Open Sky, på same merke, er verd å merka seg.
Boltreplass til Berne
Trioen som utgjer ryggrada i dette prosjektet, kjenner kvarandre godt frå tidlegare samarbeid. Smith er mellom anna med i Bernes band Snakeoil. Plata er sett saman av tre lange låtar, alle på over 20 minuttar. «Eye Meddle» og «Soften The Blow» er spontant komponerte i studio. Spesielt førstnemnde er eit mektig verk der ringen blir elegant slutta. Her får Berne boltreplass i mengder, og han viser fram eit kreativt register som få andre. Under Berne putrar og kokar det konstant. Torn og Smith lagar eit elektronisk inferno som er krevjande å lytta til, men midtvegs strammar dei opp rytmisk, og dei serverer ein tungrocksekvens det luktar svidd av. Her får spesielt Torn fritt spelerom.
Gjennomkomponert
«Spartan, Before It Hit» er eit verk skrive av Torn og framført av trioen med tillegg av to gitarar, strykekvartett og sjølvaste Craig Taborn på piano og elektronikk. Verket er gjennomkomponert og nyttar tematiske brotstykke, instrumentkarakteristikk og dynamikk til å skapa ein serie kontrastar som driv musikken framover, men også her inngår det heile i Torns lett attkjennande elektroniske univers. Trass i alt det skrivne er her også rom for improvisasjon. Dette er krevjande musikk, men står du i stormen, vert du rikt lønt.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Gassleidningar i Moldova. Landet risikerer ei energikrise til neste år.
Foto: Aurel Obreja / AP / NTB
Moldova i skvis
Frå 1. januar kjem det ikkje meir gass til Europa gjennom Ukraina. Det kan bli alvorleg for energitryggleiken i Moldova.
Stoltenberg I-regjeringa på Slottsplassen. Dåverande statsminister Jens Stoltenberg og utanriksminister Thorbjørn Jagland står fremst.
Foto: Jarl Fr. Erichsen / NTB
Venstrepopulisme på norsk – en refleksjon
«Ved markedsrettingen og privatisering ga venstresiden delvis fra seg det som hadde vært dens kjennemerke, nemlig å mobilisere staten til fordel for folk flest.»
I november 2017 besøkte president Donald Trump kollegaen Xi Jinping i Beijing. Same året tok handelskrigen mellom USA og Kina til.
Foto: Damir Sagolj / Reuters / NTB
Det som kjem etter globaliseringa
35 år etter at Berlinmuren fall og liberalismen såg ut til å ha vunne, reiser tollmurane seg i verda.
Gatekunsten på denne muren i Kyiv er basert på kunsten til Marija Prymatsjenko, som ukrainarane no omfamnar.
Foto via Wikimedia Commons
Naiv kunst og nøktern røyndom
Dei naivistiske dyrefigurane til Marija Prymatsjenko har blitt viktige for gjennomsnittsukrainaren, som kjempar vidare i trua på mirakel.
Papiravisa