CD

Ymse komponistar:

Folkjul II. A Swedish Folk Christmas

Sandra Marteleur, fiolin; Gunnar Idenstam, orgel; S:t Jacobs Kammarkör; dir.: Gary Graden. BIS 2018

Medan det finske kammerkoret held seg til repertoar i den kyrkjelege kunstmusikktradisjonen, stør albumet til S:t Jacobs Kammarkör seg på den svenske folkemusikken. Det vil seia: Sjølve korarrangementa er ganske klassiske; det er for- og mellomspela i vokalstykka som er haldne i folkemusikalsk stil. Kvaliteten på desse er det som gjer plata spesiell, der felespelet til Sandra Marteleur, folkesongen til sopranen Ulrika Bodén og orgelspelet til Gunnar Idenstam blandar seg godt med koret.

Det er organisten som står bak arrangementa, og dei er – med eitt underleg unntak – framifrå. Best er kan hende «Var hälsad sköna morgonstund», den bibelske salme nr. 119, som Philipp Nicolai i 1599 sette ein av dei mest poetiske tyske salmemelodiane til, «Wie schön leuchtet der Morgenstern». Klårt som morgonstjerna blenkjer her den ungdommeleg lyse røysta til Bodén, som eg ikkje kan få nok av.

Sjur Haga Bringeland