Tradisjonelt og godt
Bassisten Oddmund Finnseth er ein god låtskrivar.
Jazz
Oddmund Finnseth:
Dedications
Roy Nikolaisen, trompet og flygelhorn; Alan Barnes, altsaks og klarinett; Øystein Norvoll, gitar; Oddmund Finnseth, bass og vokal; Roger Johansen, trommer; Kenneth Ekornes, perkusjon (2, 5, 10 og 12); Eilif Hallingstad Finnseth, trommer (11). Finito Bacalao Records
Bassisten Oddmund Finnseth frå Sortland platedebuterer i ein alder av 63. Han har vore frilans jazzmusikar heilt sidan slutten av 1980-åra, då han studerte ved jazzlinja i Trondheim. Han var medlem av Asmund Bjørkens orkester og Bjørn Krokfoss oktett. Etter at han vende nordover att, har han vore med i Marit Sandviks Bossa nordpå i tillegg til eigne og ei mengd ad hoc-prosjekt, men det meste av arbeidskapasiteten har han brukt som pedagog ved vidaregåande skular i både Sortland og Harstad.
Finnseth har også skrive alle elleve låtane på plata. Sambaen «O Passado e o Futuro» er også spelt inn i ein bossanovaversjon. Stilistisk plasserer han seg i ein 50–60-tals mainstreamtradisjon, men han flørtar også med latinamerikanske former og funken. Han har sans for velformulerte melodilinjer og effektive riff. Det heile er trygt innanfor tradisjonen.
Bandet er handplukka for denne innspelinga i Rainbow Studio. Norvoll og Johansen høyrer båe til Finnseths musikalske kohort, men det er uråd å høyra at nokon i dette bandet er femte hjul på vogna. Barnes er virtuos både på altsaksen og klarinetten. I klarinettkoret på «Karin» er all briljering lagd til side. Då er alt berre vakkert. Norvoll spelar som alltid økonomisk og tenksamt. Roy Nikolaisen rår tydelegvis over ei utømmeleg kjelde av melodiske kor. Finnseth spelar kor på bassen, scattar og kombinerer desse i beste Slam Stewart-stil. Likar du eit klassisk jazzuttrykk spelt med overskot og overtyding, er plata Dedications noko for deg.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Oddmund Finnseth:
Dedications
Roy Nikolaisen, trompet og flygelhorn; Alan Barnes, altsaks og klarinett; Øystein Norvoll, gitar; Oddmund Finnseth, bass og vokal; Roger Johansen, trommer; Kenneth Ekornes, perkusjon (2, 5, 10 og 12); Eilif Hallingstad Finnseth, trommer (11). Finito Bacalao Records
Bassisten Oddmund Finnseth frå Sortland platedebuterer i ein alder av 63. Han har vore frilans jazzmusikar heilt sidan slutten av 1980-åra, då han studerte ved jazzlinja i Trondheim. Han var medlem av Asmund Bjørkens orkester og Bjørn Krokfoss oktett. Etter at han vende nordover att, har han vore med i Marit Sandviks Bossa nordpå i tillegg til eigne og ei mengd ad hoc-prosjekt, men det meste av arbeidskapasiteten har han brukt som pedagog ved vidaregåande skular i både Sortland og Harstad.
Finnseth har også skrive alle elleve låtane på plata. Sambaen «O Passado e o Futuro» er også spelt inn i ein bossanovaversjon. Stilistisk plasserer han seg i ein 50–60-tals mainstreamtradisjon, men han flørtar også med latinamerikanske former og funken. Han har sans for velformulerte melodilinjer og effektive riff. Det heile er trygt innanfor tradisjonen.
Bandet er handplukka for denne innspelinga i Rainbow Studio. Norvoll og Johansen høyrer båe til Finnseths musikalske kohort, men det er uråd å høyra at nokon i dette bandet er femte hjul på vogna. Barnes er virtuos både på altsaksen og klarinetten. I klarinettkoret på «Karin» er all briljering lagd til side. Då er alt berre vakkert. Norvoll spelar som alltid økonomisk og tenksamt. Roy Nikolaisen rår tydelegvis over ei utømmeleg kjelde av melodiske kor. Finnseth spelar kor på bassen, scattar og kombinerer desse i beste Slam Stewart-stil. Likar du eit klassisk jazzuttrykk spelt med overskot og overtyding, er plata Dedications noko for deg.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Fleire artiklar
Morten Søberg er direktør for samfunnskontakt i SpareBank 1 og har skrive fleire essaysamlingar om økonomi, politikk og skriftkultur.
Foto: Spartacus
Fall og vekst i Sør-Atlanteren
Morten Søberg er best når han ser vidare enn pengestellet.
I heimen sin på Norneshaugane ved Sogndal har Idar Mo forfatta eit hundretal innlegg om norsk samferdslepolitikk, dei fleste om uforstanden i satsinga på jernbanen.
Foto: Per Anders Todal
Talknusaren og den store avsporinga
For Idar Mo i Sogndal er ikkje buss for tog noko å sukke over. Det er framtida.
Tanya Nedasjkivska i Butsja i Ukraina sørger over ektemannen, som var mellom dei mange myrda sivilistane som russiske invasjonsstyrkar på retrett lèt etter seg langs gatene i 2022.
Foto: Rodrigo Abd / AP / NTB
«Utan den militære støtta ville Ukraina i dag vore okkupert av Russland.»
Kart: Anders Skoglund, Norsk Polarinstitutt
Arvingane til Amundsen
Om lag 200 menneske vitjar Sørpolen kvart år. Denne sesongen sette fire nordmenn av garde på ski. Ikkje alle kom fram.
Hübner (t.v.) mot verdsmeister Karpov i 1979.
Foto: Rob Croes / Anefo
Doktor utan fjas
Den mest akademiske sjakkspelaren i historia døydde sundag 5. januar, 76 år gamal.
Papiravisa