Ultraproduktiv og hyperkreativ
Ein av verdas mest produktive og minst regelbundne artistar
er tilbake – med sju utgjevingar på halvanna veke.
Rap
Viper:
59 Piru Music 2: The Gang, The Album, The Label (Hwy 59 Piru)
Bandcamp
På slutten av 90-talet var den Houston-baserte rapparen Viper knytt til chopped and screwed-klikken George Floyd òg var del av. Sidan solodebuten i 2003 har han gjeve ut enorme mengder musikk: Det er iallfall tale om nærare 1800 album i tillegg til eit utal singlar og samarbeidsprosjekt.
I september blei det brått stilt på Bandcamp-sida hans, og på jolaftan sleppte samarbeidspartnaren kettleonwater ei samleplate og ein innsamlingskampanje: Delstaten Texas hadde teke frå mora foreldreretten til sonen, og Viper trong hjelp til å dekkje rettsutgiftene. Om det har ordna seg, er uklårt, men Viper er i alle høve aktiv att.
59 Piru Music 2 dukka plutseleg opp 10. april. Låten «Photographic Swag» er ein svært avslappande miks i Snoop Dogg-liknande g-funk-stil. På «Collage» vert arven frå chopped and screwed-rørsla – elektriske signalfeil læt lik grashopper i sumarvarmen – kombinert med det kjenslevare. På «Natrium» rappar Viper i duett med ein automatisk framtidshypnotisør over minimalistisk pianomusikk og ein beat som vert transformert frå den eine nymotens stilarten til den andre: dramatisk trap, hektisk drill’n’bass, sumarleg future funk.
Sidan har det (i skrivande stund) dukka opp sju utgjevingar til, og som Vipers’ katalog elles er det ein mystisk og labyrintisk affære. Comeback-utgjevinga 59 Piru Music 2 er i alle høve solid og syner eit tverrsnitt av Vipers mangefasetterte uttrykk som forklarer kvifor han vert rekna som stamfar for svevande og emosjonelt ambivalente internettmusikkstilar som cloud rap og vaporwave.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rap
Viper:
59 Piru Music 2: The Gang, The Album, The Label (Hwy 59 Piru)
Bandcamp
På slutten av 90-talet var den Houston-baserte rapparen Viper knytt til chopped and screwed-klikken George Floyd òg var del av. Sidan solodebuten i 2003 har han gjeve ut enorme mengder musikk: Det er iallfall tale om nærare 1800 album i tillegg til eit utal singlar og samarbeidsprosjekt.
I september blei det brått stilt på Bandcamp-sida hans, og på jolaftan sleppte samarbeidspartnaren kettleonwater ei samleplate og ein innsamlingskampanje: Delstaten Texas hadde teke frå mora foreldreretten til sonen, og Viper trong hjelp til å dekkje rettsutgiftene. Om det har ordna seg, er uklårt, men Viper er i alle høve aktiv att.
59 Piru Music 2 dukka plutseleg opp 10. april. Låten «Photographic Swag» er ein svært avslappande miks i Snoop Dogg-liknande g-funk-stil. På «Collage» vert arven frå chopped and screwed-rørsla – elektriske signalfeil læt lik grashopper i sumarvarmen – kombinert med det kjenslevare. På «Natrium» rappar Viper i duett med ein automatisk framtidshypnotisør over minimalistisk pianomusikk og ein beat som vert transformert frå den eine nymotens stilarten til den andre: dramatisk trap, hektisk drill’n’bass, sumarleg future funk.
Sidan har det (i skrivande stund) dukka opp sju utgjevingar til, og som Vipers’ katalog elles er det ein mystisk og labyrintisk affære. Comeback-utgjevinga 59 Piru Music 2 er i alle høve solid og syner eit tverrsnitt av Vipers mangefasetterte uttrykk som forklarer kvifor han vert rekna som stamfar for svevande og emosjonelt ambivalente internettmusikkstilar som cloud rap og vaporwave.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa