Uskuldige gleder
Vaporwaveartist med mange namn bidreg til å gjere fusion kult igjen.
Elektronika
Nonlocal Forecast:
Bubble Universe!
Hausu Mountain
Nonlocal Forecast består av Angel Marcloid på tangentar, Angel Marcloid på gitar og Angel Marcloid på laptop og er berre eitt av den Chicago-baserte vaporwaveorienterte artistens over tjue alias. Eit anna av desse, det futuristiske, digitale metalorkesteret Fire-Toolz, har bidrege til sporet «Triangular Format» – det stemmer, ho har med seg sjølv som gjesteartist.
Ein del av det den fasetterte internettsjangeren vaporwave gjer, er å utfordre enkelte halvmogne hipsteridear om estetisk smak, ofte unnskyldt som halvironiske guilty pleasures, ved å manipulere og kombinere samplingar frå shoppingmuzak, gløymd 80-talspop, reklamar og new age-musikk på eksperimentelt vis. I tilfellet Nonlocal Forecast er det, i tillegg til new age-aktige fugle- og dyresamplingar – legg merke til den saumlause integreringa av hundebjeff og basstromme mot slutten av andresporet «Planck Lengths» – og syntetiske panfløytelydar, eit anna sett ofte uglesette sjangrar som blir prosesserte.
Bubble Universe! passar som fot i hose for den som er svak for jazzfusion og progrock, og ekstra godt for den som er svak for fusion og prog, men er for kul til å vedgå det for seg sjølv. Sjølv blei eg til dømes mint om at eg faktisk har eit svakt punkt for slikt, men har fortrengt det i store delar av mitt vaksne liv grunna teite sosiale omsyn. Aldri meir. Plata fyller eit merkeleg tomrom eg ikkje visste fanst i det kulturelle medvitet mitt, med medrivande polyrytmiske passasjar, og har ei nærast terapeutisk effekt. Iallfall i denne meldarens bubble universe.
Rasmus Hungnes
Rasmus Hungnes er musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronika
Nonlocal Forecast:
Bubble Universe!
Hausu Mountain
Nonlocal Forecast består av Angel Marcloid på tangentar, Angel Marcloid på gitar og Angel Marcloid på laptop og er berre eitt av den Chicago-baserte vaporwaveorienterte artistens over tjue alias. Eit anna av desse, det futuristiske, digitale metalorkesteret Fire-Toolz, har bidrege til sporet «Triangular Format» – det stemmer, ho har med seg sjølv som gjesteartist.
Ein del av det den fasetterte internettsjangeren vaporwave gjer, er å utfordre enkelte halvmogne hipsteridear om estetisk smak, ofte unnskyldt som halvironiske guilty pleasures, ved å manipulere og kombinere samplingar frå shoppingmuzak, gløymd 80-talspop, reklamar og new age-musikk på eksperimentelt vis. I tilfellet Nonlocal Forecast er det, i tillegg til new age-aktige fugle- og dyresamplingar – legg merke til den saumlause integreringa av hundebjeff og basstromme mot slutten av andresporet «Planck Lengths» – og syntetiske panfløytelydar, eit anna sett ofte uglesette sjangrar som blir prosesserte.
Bubble Universe! passar som fot i hose for den som er svak for jazzfusion og progrock, og ekstra godt for den som er svak for fusion og prog, men er for kul til å vedgå det for seg sjølv. Sjølv blei eg til dømes mint om at eg faktisk har eit svakt punkt for slikt, men har fortrengt det i store delar av mitt vaksne liv grunna teite sosiale omsyn. Aldri meir. Plata fyller eit merkeleg tomrom eg ikkje visste fanst i det kulturelle medvitet mitt, med medrivande polyrytmiske passasjar, og har ei nærast terapeutisk effekt. Iallfall i denne meldarens bubble universe.
Rasmus Hungnes
Rasmus Hungnes er musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Mircea Cărtărescu kastar eit fortrolla lys over barndommen i Melankolien
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Papiravisa