Ute av skapet og veit kvar det skal stå
Noregs første ope homofile rappar har stort digitalt scenetekke.
Foto: Dat Music AS
Konsert
Big Daddy Karsten
Live fra Sentralen
Internett
Ein positiv biverknad av koronatiltaka er at vi får meir levande kvalitetsmusikk gjennom internett. Eit døme er konserten til Big Daddy Karsten (som i det siste har vore å sjå både på Blikk og =Oslo sine framsider) frå eit par veker tilbake. Videoen er framleis tilgjengeleg – søk etter «Big Daddy Karsten live fra Sentralen» på Facebook – og syner det som kan hende er den beste norske hiphopen sidan Side Brok.
Med seg på scena har Big Daddy Karsten Are Næsset, som blir presentert som «venn, DJ, produsent, Jesus» og som òg supplerer med koring. Rapparen Pats Nichols er med på låta «Tempo», @isacus93 bidreg med storslegen vogue-dans, og til slutt pryder artisten Ferdinand scene- og lydbiletet under avslutningsnummeret.
Tekstane her er ein fryd. Fiffige ordspel snirklar seg rundt djupe, knallharde beats med stor musikalitet og relevans. Hovudstraumshiphopen står ofte fram som sjokkerande reaksjonær – misogynien i gangsta-rapen er eit velkjent døme. Big Daddy Karsten leverer effektiv motgift mot konservativ kognitiv dissonans.
Lyd- og biletkvaliteten i denne produksjonen er upåklageleg. Når Karsten og kollegaene hans takkar for applausen og involverer publikum, som sjølvsagt ikkje er å korkje sjå eller høyre i sjølve videoen, skaper det ei snodig, artig kjensle av samvær og samhald på avstand. Vi må kunne kalle Big Daddy Karsten den norske homohiphopens svar på Beyoncé, og eit møte med musikken og scenetekket hans er noko alle bør unne seg.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Konsert
Big Daddy Karsten
Live fra Sentralen
Internett
Ein positiv biverknad av koronatiltaka er at vi får meir levande kvalitetsmusikk gjennom internett. Eit døme er konserten til Big Daddy Karsten (som i det siste har vore å sjå både på Blikk og =Oslo sine framsider) frå eit par veker tilbake. Videoen er framleis tilgjengeleg – søk etter «Big Daddy Karsten live fra Sentralen» på Facebook – og syner det som kan hende er den beste norske hiphopen sidan Side Brok.
Med seg på scena har Big Daddy Karsten Are Næsset, som blir presentert som «venn, DJ, produsent, Jesus» og som òg supplerer med koring. Rapparen Pats Nichols er med på låta «Tempo», @isacus93 bidreg med storslegen vogue-dans, og til slutt pryder artisten Ferdinand scene- og lydbiletet under avslutningsnummeret.
Tekstane her er ein fryd. Fiffige ordspel snirklar seg rundt djupe, knallharde beats med stor musikalitet og relevans. Hovudstraumshiphopen står ofte fram som sjokkerande reaksjonær – misogynien i gangsta-rapen er eit velkjent døme. Big Daddy Karsten leverer effektiv motgift mot konservativ kognitiv dissonans.
Lyd- og biletkvaliteten i denne produksjonen er upåklageleg. Når Karsten og kollegaene hans takkar for applausen og involverer publikum, som sjølvsagt ikkje er å korkje sjå eller høyre i sjølve videoen, skaper det ei snodig, artig kjensle av samvær og samhald på avstand. Vi må kunne kalle Big Daddy Karsten den norske homohiphopens svar på Beyoncé, og eit møte med musikken og scenetekket hans er noko alle bør unne seg.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Papiravisa