Ein skal ikkje ta vare på alle tradisjonar
Ønskjer du å delta i debatten? Då kan du sende innlegget ditt til ordskifte@dagogtid.no
Kvalfangst
Maria Pettersvik Arvnes har i Dag og Tid den 9. juni 2023 eit lesarinnlegg der ho kritiserer Arve Nilsen som i ein artikkel 26. mai 2023 kjem med ei rekke gode argument for å få slutt på norsk kvalfangst. Arvnes er rådgjevar i Norges Fiskarlag.
Det som kjem fram i lesarinnlegget, er såpass lite realitetsorientert at det trengst ein kommentar eller to. Mellom anna blir det sagt at kvalfangsten er ei tradisjonsrik næring som er heilt utan subsidiar.
Til dette vil eg seie at ein skal ikkje ta vare på alle tradisjonar, og slett ikkje kvalfangsten. Kvalfangsten er, som Nilsen påpeikar, ein skamplett for Noreg. Dei store kvalartane vart nesten utrydda og står i dag framleis på raudlista som kritisk truga.
Når det gjeld Arvnes sin påstand om at kvalfangsten er heilt utan subsidiar, må det nemnast at denne næringa kostar Staten fleire millionar kvart år. Staten brukar store summar for å promotere kvalfangsten, på kontrollverksemd og til destruksjon av kvalspekk som ikkje blir omsett. Summen av kostnader er sannsynlegvis større enn verdien av kvalkjøtet.
Arvnes meiner at norsk kvalfangst er jakt på naturen sine premissar. Kva som ligg i dette, får vi ikkje vite noko om. Det vi veit ganske mykje om, er dei lidingane som denne jakta påfører dei store sjøpattedyra.
Ein treng ikkje vere veterinær eller marinbiolog for å forstå at det å vinsje ein skadeskoten kval inn til skutsida for deretter å avlive han med ei rifle er dyrplaging av verste sort.
Viss ei ku eller ein hest hadde blitt utsett for tilsvarande, ville det utvilsamt ført til straffereaksjonar for brot på dyrevelferdslova.
Til slutt i innlegget skriv Arvnes at folk har mangelfull kunnskap om kvalfangsten og av den grunn ikkje vil kjøpe og bruke kvalkjøt. Etter mi meining er dette ei feil problemstilling. Det er nettopp folk sin kunnskap om kvalfangsten som er årsaka til at det er vanskeleg å omsette dette produktet.
Norges Fiskarlag burde ha langt viktigare saker på sin agenda enn kvalfangst. Her er det nok å nemne havvindparkar, lakseindustri og forsøpling.
Fiskarlaget si promotering av norsk kvalfangst fremjar ikkje
fiskarane sine interesser.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ønskjer du å delta i debatten? Då kan du sende innlegget ditt til ordskifte@dagogtid.no
Kvalfangst
Maria Pettersvik Arvnes har i Dag og Tid den 9. juni 2023 eit lesarinnlegg der ho kritiserer Arve Nilsen som i ein artikkel 26. mai 2023 kjem med ei rekke gode argument for å få slutt på norsk kvalfangst. Arvnes er rådgjevar i Norges Fiskarlag.
Det som kjem fram i lesarinnlegget, er såpass lite realitetsorientert at det trengst ein kommentar eller to. Mellom anna blir det sagt at kvalfangsten er ei tradisjonsrik næring som er heilt utan subsidiar.
Til dette vil eg seie at ein skal ikkje ta vare på alle tradisjonar, og slett ikkje kvalfangsten. Kvalfangsten er, som Nilsen påpeikar, ein skamplett for Noreg. Dei store kvalartane vart nesten utrydda og står i dag framleis på raudlista som kritisk truga.
Når det gjeld Arvnes sin påstand om at kvalfangsten er heilt utan subsidiar, må det nemnast at denne næringa kostar Staten fleire millionar kvart år. Staten brukar store summar for å promotere kvalfangsten, på kontrollverksemd og til destruksjon av kvalspekk som ikkje blir omsett. Summen av kostnader er sannsynlegvis større enn verdien av kvalkjøtet.
Arvnes meiner at norsk kvalfangst er jakt på naturen sine premissar. Kva som ligg i dette, får vi ikkje vite noko om. Det vi veit ganske mykje om, er dei lidingane som denne jakta påfører dei store sjøpattedyra.
Ein treng ikkje vere veterinær eller marinbiolog for å forstå at det å vinsje ein skadeskoten kval inn til skutsida for deretter å avlive han med ei rifle er dyrplaging av verste sort.
Viss ei ku eller ein hest hadde blitt utsett for tilsvarande, ville det utvilsamt ført til straffereaksjonar for brot på dyrevelferdslova.
Til slutt i innlegget skriv Arvnes at folk har mangelfull kunnskap om kvalfangsten og av den grunn ikkje vil kjøpe og bruke kvalkjøt. Etter mi meining er dette ei feil problemstilling. Det er nettopp folk sin kunnskap om kvalfangsten som er årsaka til at det er vanskeleg å omsette dette produktet.
Norges Fiskarlag burde ha langt viktigare saker på sin agenda enn kvalfangst. Her er det nok å nemne havvindparkar, lakseindustri og forsøpling.
Fiskarlaget si promotering av norsk kvalfangst fremjar ikkje
fiskarane sine interesser.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa