Krigen i Ukraina

Erik Klepsvik

I over to år har me blitt fortalde om «den russiske uprovoserte fullskala invasjonen» av Ukraina. Underleg nok hindrar ikkje denne fullskala invasjonen at ukrainske ballettselskap kan halda førestilling i Noreg, heller ikkje at norske politikarar fritt og utan risiko reiser fram og tilbake mellom Ukraina og Noreg. Det er til og med reportasjar i norsk presse om kor normalt livet er i den vestlege delen av Ukraina. Under slike omstende verkar det underleg at Noreg husar fleire titals tusen ukrainske flyktningar, der særs mange er stridsdyktige unge menn som mange ville kalla desertørar, samstundes som Noreg sender våpen til den krigen desse unge mennene ikkje vil ta del i.