Det er røystene våre ved førre val

som gjer at du sit i Kongen sin sal.

I høve mi makt over din livssituasjon,

har eg eit par krav og nokre spede von:

Ver habil, ver så sinnssjukt habil,

og ver alltid ørlite open for tvil.

Kjøp ikkje våpen, – og ikkje sel,

– tol ikkje så sabla inderleg vel!

Svar aldri når einkvan berre vil ha ja eller nei,

og gjer den som krev slikt noko raudnande lei.

Ver vel informert som ein menneskeleg KI,

og still aldri opp på klikkåte – klovneri.

Ver glad i menneska, i fuglar og dyr.

Bruk tid på å sjå til at fuglane flyr.

Hugs på at jorda ikkje er vår,

– når du er daud kjem det nye år.

Ver mora eller faren som trekte oss,

ver læraren som strekte oss,

ver J.S. Bach eller Høybråten – ikkje unngå å vera sær

– la det gjerne gå sekel før du vert populær.

Silje Strand Blichfeldt, 2023