I år blir nasjonaldagen ekstra trygg,

for i år går barnetoget, flaggborgene,

musikkorpsa og folketoget

bak væpna politi,

og kongefamilien,

ordførarane

og våre politiske leiarar

er sikra som aldri før

på 17. mai

av våpenmakt

i bygd og by

over heile landet.

Kanskje er det frykta vår

for spionane

og terroristane

og alle ukjende utlendingar

og alle krigsrapportane

som kjem innpå oss

stadig nærare

og trugar oss?

Eller kanskje er det trua vår

på raske våpen

og politi- og militærmakt

som er største trusselen

mot gleda

og fridomen

på nasjonaldagen?

Eivind Hasle