Ber om auke i norsk mjølkeproduksjon
Tine avviser at ønsket om å auke mjølke- produksjonen neste år, har noko med den internasjonale smørkrisa å gjere.
Den norske meierimarknaden er relativt skjerma, og nordmenn merkar difor lite til auken i verdsmarknadsprisane på smør.
Johnny Ødegård, som er direktør for eigarkontakt og næringspolitikk i meierikonsernet Tine, seier dei framleis dekkjer den norske etterspurnaden etter smør med norsk vare, og at dei prøver å halde prisane meir stabile enn i Europa elles.
Denne veka bad Tine likevel om at norske mjølkebønder skal produsere meir mjølk neste år enn dei gjer i år. Det skriv Nationen. Medan bøndene i år har fått levere 0,98 prosent av mjølkekvotane for kumjølk, bør dei neste år levere 0,99 prosent av kvotane for å unngå at det vert for lite feitt til å kunne sikre produksjonen av smør av norsk mjølk i 2019.
Tilrådinga har ikkje noko med smørsituasjonen i Europa å gjere, ifølgje Ødegård.
Tine avviste nyleg overfor E24 at meierikonsernet har kunna selje smør eller andre mjølkeprodukt til Europa som følgje av dei høge prisane internasjonalt.
– Vi vil alltid prioritere dei norske forbrukarane fyrst og sikre at vi har nok smør til den norske marknaden, seier kommunikasjonsdirektør Lars Galtung i Tine til nettavisa.
Når Dag og Tid spør om det kan verte aktuelt å eksportere smør frå Noreg til Europa, får vi til svar at Tine ikkje har fleire kommentarar til saka no.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Den norske meierimarknaden er relativt skjerma, og nordmenn merkar difor lite til auken i verdsmarknadsprisane på smør.
Johnny Ødegård, som er direktør for eigarkontakt og næringspolitikk i meierikonsernet Tine, seier dei framleis dekkjer den norske etterspurnaden etter smør med norsk vare, og at dei prøver å halde prisane meir stabile enn i Europa elles.
Denne veka bad Tine likevel om at norske mjølkebønder skal produsere meir mjølk neste år enn dei gjer i år. Det skriv Nationen. Medan bøndene i år har fått levere 0,98 prosent av mjølkekvotane for kumjølk, bør dei neste år levere 0,99 prosent av kvotane for å unngå at det vert for lite feitt til å kunne sikre produksjonen av smør av norsk mjølk i 2019.
Tilrådinga har ikkje noko med smørsituasjonen i Europa å gjere, ifølgje Ødegård.
Tine avviste nyleg overfor E24 at meierikonsernet har kunna selje smør eller andre mjølkeprodukt til Europa som følgje av dei høge prisane internasjonalt.
– Vi vil alltid prioritere dei norske forbrukarane fyrst og sikre at vi har nok smør til den norske marknaden, seier kommunikasjonsdirektør Lars Galtung i Tine til nettavisa.
Når Dag og Tid spør om det kan verte aktuelt å eksportere smør frå Noreg til Europa, får vi til svar at Tine ikkje har fleire kommentarar til saka no.
Fleire artiklar
Det kjæraste eg har? Min ser ikkje slik ut, men eg er ganske glad i han, ja.
Foto via Wikimedia Commons
Smørbutten min får du nok aldri
Ei flygande badstove skal få ny heim, sit det nokon inni alt?
Foto: Maren Bø
Badstovene tek av
Det er interessant korleis badstove inne kan vere så ut, mens badstove ute er så in.
Morgonfrisk fersking
«Ein kan kjenna seg frisk og sterk, vera åndsfrisk eller endåtil frisk som ein fisk, friskna til, verta frisk att frå sjukdomen og heilt friskmeld.»
150-årsjubilant: den austerrikske komponisten Arnold Schönberg (1874–1951).
Fredshymne
Kammerchor Stuttgart tolkar Schönbergs «illusjon for blandakor» truverdig.
Marianne Nielsen i hovudrolla som Winnie. Gerald Pettersen spelar Willie.
Foto: Sebastian Dalseide
Beckett-klassikar av godt merke
Glade dager byr på ein strålande skodespelarprestasjon av Marianne Nielsen.
Papiravisa