Facebook har problem

Onsdag kveld amerikansk tid gav Mark Zuckerberg, som både grunnla Facebook og er dagleg leiar for selskapet, noko så uvanleg som eit fjernsyns-
intervju. Eit slags firma med namnet Cambridge Analytica har nemleg stole all personleg informasjon frå over 50 millionar brukarar av Facebook. Det har kosta både Zuckerberg og aksjeeigarane særs mykje. Aksjeverdien har gått ned med heile 40 milliardar kroner, Zuckerberg åleine har tapt 4 milliardar etter at hackinga vart kjend. «Dette var eit særs stor brot på all tillit. Eg bed om orsaking for at dette hende», sa Zuckerberg. «Vårt ansvar er å syta for at dette ikkje hender igjen.» Han fortalde at Facebook skulle slutta å samarbeida med ei rekkje applikasjonar, men sa òg at han forstod om folk sletta Facebook frå både PC-ar og mobiltelefonar. «Vårt ansvar er å verna dykk og datane vi har om de brukarar. Om vi ikkje maktar det, fortener vi ikkje tilliten dykkar.» Elles fann underskrivne dette nyhendet på Facbook.

jon@dagogtid.no