Siste stikk
No har eg vore på vaksinesenteret og fått den tredje dosen, som den pliktoppfyllande samfunnsborgaren eg er. Språkmedvitne helsearbeidarar prøvde å innføre nemninga oppfriskingsdose, men alle kallar det booster.
Det er under eit år sidan vi blei innkalla til fyrste stikk, og vi hugsar vel alle den euforiske stemninga som rådde den gong, alle bileta på sosiale medium av stolte nyvaksinerte med bomullsdotten som eit adelsmerke på skuldra. Somme møtte til og med opp i bunad for å få det saliggjerande stikket. Vaksinen var redninga vi hadde gått og lengta etter, og flokkimmuniteten venta rett rundt hjørnet.
Det er ei heilt anna stemning på vaksinesenteret no. Vi blir slusa effektivt gjennom lokalet frå stasjon til stasjon: registrering, val av vaksine (til og med sånne privilegium kan vi unne oss no), legitimasjon, sjølve stikket med påfølgjande bomullsdott og til slutt tjue minutts ventetid i tilfelle vi reagerer på vaksinen.
Særleg påfallande er forskjellen i den obligatoriske ventetida etter stikket. Vi sit på enkle stolar med forskriftsmessig koronaavstand i ein stor sal. Somme nyttar som vanleg høvet til å kjæle med mobiltelefonen, men påfallande mange sit berre og ser tomt ut i lufta. Ei matt, nedtrykt stemning ligg over lokalet.
Eg har alltid hatt eit halvt beundrande, halvt misunneleg forhold til katolikkar. Dei kan berre gå til skriftemål, gjere bot med nokre avemariaer, så er dei berga. Mange av oss hadde sett for seg at mRNA-vaksinen skulle vere ein tilsvarande kvikkfiks.
Men det var visst ikkje så enkelt likevel. Vi er lutheranarar. Med sveitte i andletet skal vi be og arbeide og håpe vi kjem oss gjennom pandemien.
Det var nok det vi sat og mediterte over i ventesalen på vaksinesenteret. Lenge hadde vi late oss rive med av trua på dei frelsande medisinske framstega, men inst inne hadde vi visst det likevel: Det var for godt til å vere sant.
obo
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
No har eg vore på vaksinesenteret og fått den tredje dosen, som den pliktoppfyllande samfunnsborgaren eg er. Språkmedvitne helsearbeidarar prøvde å innføre nemninga oppfriskingsdose, men alle kallar det booster.
Det er under eit år sidan vi blei innkalla til fyrste stikk, og vi hugsar vel alle den euforiske stemninga som rådde den gong, alle bileta på sosiale medium av stolte nyvaksinerte med bomullsdotten som eit adelsmerke på skuldra. Somme møtte til og med opp i bunad for å få det saliggjerande stikket. Vaksinen var redninga vi hadde gått og lengta etter, og flokkimmuniteten venta rett rundt hjørnet.
Det er ei heilt anna stemning på vaksinesenteret no. Vi blir slusa effektivt gjennom lokalet frå stasjon til stasjon: registrering, val av vaksine (til og med sånne privilegium kan vi unne oss no), legitimasjon, sjølve stikket med påfølgjande bomullsdott og til slutt tjue minutts ventetid i tilfelle vi reagerer på vaksinen.
Særleg påfallande er forskjellen i den obligatoriske ventetida etter stikket. Vi sit på enkle stolar med forskriftsmessig koronaavstand i ein stor sal. Somme nyttar som vanleg høvet til å kjæle med mobiltelefonen, men påfallande mange sit berre og ser tomt ut i lufta. Ei matt, nedtrykt stemning ligg over lokalet.
Eg har alltid hatt eit halvt beundrande, halvt misunneleg forhold til katolikkar. Dei kan berre gå til skriftemål, gjere bot med nokre avemariaer, så er dei berga. Mange av oss hadde sett for seg at mRNA-vaksinen skulle vere ein tilsvarande kvikkfiks.
Men det var visst ikkje så enkelt likevel. Vi er lutheranarar. Med sveitte i andletet skal vi be og arbeide og håpe vi kjem oss gjennom pandemien.
Det var nok det vi sat og mediterte over i ventesalen på vaksinesenteret. Lenge hadde vi late oss rive med av trua på dei frelsande medisinske framstega, men inst inne hadde vi visst det likevel: Det var for godt til å vere sant.
obo
Fleire artiklar
Trygve Seim og Frode Haltli har samarbeidd musikalsk i 20 år.
Foto: Hubert P. Klotzeck / ECM Records
Praten flyt lett
Samtalen mellom Seim og Haltli er eksistensielt viktig.
Tekniske problem mellom Carlsen og Niemann.
Foto: Chess.com
Skandaleduellen
«Før Speed Chess Championship var eg 'gira'. Dette var så spanande som moderne sjakk kan vera.»
Kor mykje skal den enkelte forelder ha å seie over barnet? Spørsmålet er til vurdering når barnelova skal oppdaterast.
Foto: Sara Johannessen Meek / NTB
Flytterett eller vetorett?
Skal mor eller far kunne ta med seg barna og flytte langt bort etter eit samlivsbrot? Barne- og familiedepartementet vil gjere det vanskelegare for fleire, men møter motstand.
Den norske komponisten Sigurd Lie (1871–1904).
Klår kulokk
Der er både norsk og tysk nasjonalromantikk i Sigurd Lies romansar.
Gulrotsuppe med eit dryss graslauk og olivenolje.
Foto: Dagfinn Nordbø
Suppehimmelen
«Eg skjønar meg ikkje på kakebakst, for oppskriftene er så biskopstrenge, dei har lite slingringsmon for kreative påhitt.»