Utakk
– Hallo! Hallo?
Fåfengt ropte eg etter ein ung mann som nettopp hadde bomma på lomma då han skulle leggje frå seg nøklane. Nysnøen i parken var perfekt lyddempar for nøkkelknippet, så eg trudde det var grunnen til at han ikkje reagerte. Eg fiska opp nøklane og prøvde å nå att fyren som langa ut med nakne anklar i joggeskorne. Då eg fekk pikka han på skuldra, snudde han seg med øyreklokker så store som tinntallerkar. Då nøklane dingla framfor andletet hans, lyste han opp i eit stort smil og sa: «Tusen takk!» Han hadde iallfall vit til å takke.
Dei siste månadene har eg sprunge etter fleire fotgjengarar som har mista ting. Ikkje tomflasker, snusputer og sjokoladepapir, men ting som er kjekke å ha, og som er dyre eller litt styrete å erstatte.
På veg heim att ein dag la eg merke til ei ung kvinne som strena oppover gata medan ho prata høgt i mobilen. Brått såg eg at skulderveska hennar glei nedover armen og vart liggjande på fortauet. Overraska over at ho ikkje reagerte, la eg på sprang og treiv med meg veska. Rett før eg nådde henne att, oppdaga ho fadesen, snudde seg og fekk auge på meg med veska i vêret. Ho skravla vidare og tok seg ikkje tid til ein takk, ikkje eingong eit nikk.
Sist eg tok toget, sat eg saman med tre unge menneske som eg knapt hadde augekontakt med. Dei var alle plugga inn i ulike digitale univers. Då han som eg aldri såg andletet til, langt der inne i hettegenseren, gjorde seg klar til å gå av toget, følgde eg med. Ladaren som han på eit tidspunkt hadde kopla frå mobilen, hang nemleg bak setet hans og kunne lett bli gløymd. Det vart han.
– Hallo? Hallo!
Ikkje høyrde han meg, og ikkje fekk eg augekontakt. Difor strekte eg handa ut i midtgangen. Spørjande såg han på meg medan han grov ei av proppane ut av øyret.
– Er ikkje det ladaren din, spurde eg og peikte mot veggen.
Han snudde seg, nappa leidningen ut og strena mot utgangen utan eit ord.
Utakk er verdas løn.
Tiriltunga
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
– Hallo! Hallo?
Fåfengt ropte eg etter ein ung mann som nettopp hadde bomma på lomma då han skulle leggje frå seg nøklane. Nysnøen i parken var perfekt lyddempar for nøkkelknippet, så eg trudde det var grunnen til at han ikkje reagerte. Eg fiska opp nøklane og prøvde å nå att fyren som langa ut med nakne anklar i joggeskorne. Då eg fekk pikka han på skuldra, snudde han seg med øyreklokker så store som tinntallerkar. Då nøklane dingla framfor andletet hans, lyste han opp i eit stort smil og sa: «Tusen takk!» Han hadde iallfall vit til å takke.
Dei siste månadene har eg sprunge etter fleire fotgjengarar som har mista ting. Ikkje tomflasker, snusputer og sjokoladepapir, men ting som er kjekke å ha, og som er dyre eller litt styrete å erstatte.
På veg heim att ein dag la eg merke til ei ung kvinne som strena oppover gata medan ho prata høgt i mobilen. Brått såg eg at skulderveska hennar glei nedover armen og vart liggjande på fortauet. Overraska over at ho ikkje reagerte, la eg på sprang og treiv med meg veska. Rett før eg nådde henne att, oppdaga ho fadesen, snudde seg og fekk auge på meg med veska i vêret. Ho skravla vidare og tok seg ikkje tid til ein takk, ikkje eingong eit nikk.
Sist eg tok toget, sat eg saman med tre unge menneske som eg knapt hadde augekontakt med. Dei var alle plugga inn i ulike digitale univers. Då han som eg aldri såg andletet til, langt der inne i hettegenseren, gjorde seg klar til å gå av toget, følgde eg med. Ladaren som han på eit tidspunkt hadde kopla frå mobilen, hang nemleg bak setet hans og kunne lett bli gløymd. Det vart han.
– Hallo? Hallo!
Ikkje høyrde han meg, og ikkje fekk eg augekontakt. Difor strekte eg handa ut i midtgangen. Spørjande såg han på meg medan han grov ei av proppane ut av øyret.
– Er ikkje det ladaren din, spurde eg og peikte mot veggen.
Han snudde seg, nappa leidningen ut og strena mot utgangen utan eit ord.
Utakk er verdas løn.
Tiriltunga
Fleire artiklar
Trygve Seim og Frode Haltli har samarbeidd musikalsk i 20 år.
Foto: Hubert P. Klotzeck / ECM Records
Praten flyt lett
Samtalen mellom Seim og Haltli er eksistensielt viktig.
Tekniske problem mellom Carlsen og Niemann.
Foto: Chess.com
Skandaleduellen
«Før Speed Chess Championship var eg 'gira'. Dette var så spanande som moderne sjakk kan vera.»
Kor mykje skal den enkelte forelder ha å seie over barnet? Spørsmålet er til vurdering når barnelova skal oppdaterast.
Foto: Sara Johannessen Meek / NTB
Flytterett eller vetorett?
Skal mor eller far kunne ta med seg barna og flytte langt bort etter eit samlivsbrot? Barne- og familiedepartementet vil gjere det vanskelegare for fleire, men møter motstand.
Den norske komponisten Sigurd Lie (1871–1904).
Klår kulokk
Der er både norsk og tysk nasjonalromantikk i Sigurd Lies romansar.
Gulrotsuppe med eit dryss graslauk og olivenolje.
Foto: Dagfinn Nordbø
Suppehimmelen
«Eg skjønar meg ikkje på kakebakst, for oppskriftene er så biskopstrenge, dei har lite slingringsmon for kreative påhitt.»